قڷبنْ ذبحٺـﮧ بآآيڋگ..ٺگفى ڷآآ ٺحضر عَزآآه

السلااااااام عليكم ورحمه الله وبركاااااته

هاااااااذي القصة قريتهاااا في احد المنتدياااات

بنت مألفنتهااااااااا فعجبنتي فحبيت انزلهاااا لكم

و إن شا الله تعجبكم

ما أطول عليكم أخليكم مع القصهـ




ياناعم العود مزحك يذبح
وجدك يذبح وانا كل ماجا منك يحلالي
الله الله يافتان من قدك

كلمات نك ايميل ضاف ساره.. وساره محتاره ماتعرف منو ها اللي ضايفنها ..تم عندها هالايميل اكثر من شهر وهالشخص اللي ضايفنها ماحدر..
ساره بنت من العين عمرها 13 وقريب بتستوي 14 حبوبه شاطره في المدرسه كل ربيعاتها واهلها يحبوونها ويتجنبون زعلها لانها حساسه وايد.. ورقيقه تهتم بمشاعر الشخص وتحكم قلبها اكثر من عقلها..
في يوم اجازة نص السنه كانت مره ساره سهرانه ع المسن ويا ربيعاتها لين الساعه 2 ونص فليل.. شوي الا يظهر لها مربع المسن تم تسجيل دخول ياناعم العود....
حدرت عليه وقالت: هلا منو وياي؟؟.. جان يرد اهلين انا سعيد من بوظبي بس ادرس في العين.. وانتي؟؟ .. ساره خافت وايد لانها تخاف حد من اهلها يعرف قالت بقص عليه وعقب قالت لالا شو اللي حادني ارمسه من ورا اهلي بسويله بلووك.. وعقب قالت لا بغامر هالمره وبجرب.. ردت عليه بعد دقايق من التفكير.. اسمي شوق من العين..سعيد:هلا والله بشوق..كم عمرج؟؟.. ساره: عمري 14.. وانت؟؟ سعيد:عمري 20.. ساره حست انه عود بس قالت ابرايه مايهمني يوم بظهر من المسن بسويله بلوك وديليت..المهم تموا يسولفوون لين 3 وشي وعقب سعيد ظهر وساره ظهرت وراه..
رقدت ساره ولا يه ع بالها سعيد.. نشت الظهر فجت ايميلها لقت ايميل واحد واصلنها قالت بتتغدا وبترد تجيك منو. بس شافت في الـmsn today.. نك الايميل saeed.. استغربت استعيلت وفجت الايميل قبل لاتروح تتغدا..
لقت الايميل من سعيد وكاتب شوق طمنيني عليج.. استانست بس قالت ليش هو مهتم فيني هالكثر.. المهم تغدت وخطف الوقت لين فليل الساعه 1 حدرت المسن وعقبها بنص ساعه حدر سعيد تموا يسولفوون لين الفير وحست انها ارتاحت له واايد تموا على جيه لين خلصت اجازة نص السنه.. تمت تفكر هي ماتقدر تسهر وايد لين هالوقت في ايام المدارس وهو داومه مسا في الجامعه ..خبرته انها ماتقدر ماترمسه في اليوم عسب يحددوون وقت يحدرون فيه هو اعتذر وقال بنتواصل بالايميلات لانه هو بعد مايروم يحدر وايد.. وافقت ساره وصارت كل ماترد من المدرسه تلاقي منه ايميل وترد عليه بايميل.. كانت تحس من ايميلاته انه متلهف عليها ومهتم فيها وايد.. بدت تتعلق فيه اكثر وماتصبر عن ايميلاته.. خلص دوام الفصل الثاني وبدت الامتحانات كانت تزيد ايميلاته عسب يطمن عليها شو مسويه في امتحاناتها.. يت الاجازه حدر مره رمسها وقاللها : انا ماقدر احدر لابي خربان وبوديه يتصلح والنت بينقطع ومابي ارده.. تمت تصيح ساره لانه النت هي الوسيله الوحيده اللي تقدر تتواصل وياه فيها..وهو كان مظايج من هالسالفه طرا ع باله يعطيها رقمه ومتى ماحبت ادقله ادق ووعدها انه موول مايرد يدق ع الرقم اللي هي بدق منه.. ساره خافت وقالت مستحيل ادقله بس خذت الرقم احتياط 050-..........

شلون اكتب عن غيابك وانا في غيابك غايب
ماني قايل عذاب شي اشد من العذاب
شي مثل الاكتئاب شي مثل الاضطراب
باختصار تقدر تسميه موت في عز الشباب

تعبت ساره من هالغياب اللي ماتعرف شو نهايته.. وكل يوم مظايجه وتصيح وماتعرف كيف توصل لسعيد.. تشجعت ودقت له من موبايل امها اللي دومه مفرور ومحد يعرف عنه شي.. دقت بخوووف وتسمع دقات قلبها ادق مع دقت الفوون.. اخر شي طلع لها no answer.. خافته يرد يدق جان اطرشله مسج هلا سعيد انا ساره بدق لك بعدين لاترد ادق على هالرقم.. هني عرف سعيد انه اسمها ساره مب شووق.. بس هي مانتبهت حق عمرها لانه الخوف تملكها..
عقب جم يوم ردت دقتله ورد عليها اول مره سمع صوتها وهي كانت خايفه وايد ماطولت وياه بس خبرها وسألها ليش جذبت عليه باسمها.. خافت وارتبكت وماعرفت شو ترد عليه.. المهم قالت له : انا بسكر احين وبحاول ادق لك عقب.. قال لها اوكي دقي وقت ماتبين.. الشي اللي ريح ساره وايد انه ريال قد كلمته ووثقت فيه انه مول مابيرد يدق لها..
مرت الايام وبين كل فتره وفتره ساره ادق حق سعيد.. وسعيد مايتصوور شقد تحبه ساره.. في كل وقت وفي كل لحظه تذكره ويطري في بالها.. وسعيد كان يحبها وااايد ومايرضا يزعلها او يسمعها تصيح.. تعلقت فيه واايد وكانت كل ماتتوفر لها الفرصه ادقله واتم وياه ساعه تقريبا.. وماتروم تصبر عن صووته.. احلا كلمه كان يقوولها " كتكوووته".. وساره تستانس ع هالكلمه وهو كان دومه يطلب منها تقوله "سعوودي"..
في يوم دقت له.. فاتحها بموضوع هي ماتحبه.. كان اكثر عن مره يطلب يشوفها..وهي كانت ترفض.. بس هالمره صدق وصل حده منها.. وخيرها بين انها اطرش صورتها وسايط ولا تظهر وياه.. ساره ماتقدر ميته خوف وهي تقوله انا يالله يالله ارمسك بالفون وين بعد اطرش صورتي ولا اظهر وياك.. وقعدت تصيح.. هو فسرها على اساس انه هي مب واثقه فيه.. بس تمت تحلف له وايد انها واثقه فيه.. بس هي ماتروم تسوي هالاشياء.. بندت عنه وهي مره منصدمه من قساوته..
مر شهر وساره مادقت له ..تخاف ادقله ويذكرها بالموضوع وهو مايرحمها بهالشي.. تمر عليها الايام وهي كله تفكر كيف ترضيه؟؟.. وكيف تخليه يغير رايه؟؟ هي تحبه وتباه وماتبا أي شي يفرقهم.. بس قالت اذا دقيتله وقالي وينج .. شو ارد عليه؟؟..
قررت انها تجذب عليه وتقوله انها كنت تعبانه وترقدت في المستشفى.. اصلا هي كانت تعالج عشان الدم وهو كان يعرف ودومه كان يسالها عن مواعيدها في المستشفى..

عساني افقد الدنيا ولا في يوم تنساني
عساني اموت واندفن ولا أشوفك تخليني
عساك تفرح بدنياك ولو الفرح ماجاني
وعسى الدنيا تضحكلك حتى لو تبكيني

بعد صراع عاشته ساره انها ادق له ولا لاء.. قررت انها ادق لانها مارامت تصبر عنه.. دقت له .. رد عليها وهو متلهف عليها.. بس كان زعلان لانه تحسبها خلته او انها شردت من هاذاك الموضوع مثل ماقررت قالت له انها تعبت وترقدت في المستشفى ومارامت ادقله..
وصار الشي اللي هي كانت خايفه منه.. فاتحها بموضوع الشووف وهي اصلا كانت تبا تشوووفه او حتى تشوف صورته وقالت له انها بنيه وماتروم تسوي هالاشيا بس هو ولد يقدر يطرش صورته وهي عقب بتمسحها..
طبعا ماوافق وتم مصر على راييه انه يا يشوفها ولا اطرش صورتها.. تمت تصيح وتقوله: دخيلك قدر ظروفي انت ماترضاها اكيد على خواتك..عصب من سمع كلامها وقاللها انتي غير انتي حبيبتي.. من دافع فضول ساره سألته نحن شو نهاية قصتنا.. الزواج؟؟..
استغرب من كلامها وقاللها : لاتمين تقررين كل شي بروحج ماحد يعرف شو بيصير باجر.. وبعدين انتي ليش خوافه؟؟ انا بشل هالخوف يلي في قلبج .. وبخليج شجاعه مثلي..
سكر عنها وهو معصب عليها وهي كالعاده تصيح.. تمت اطرشله مسجات انه تحبه وهو مايرد..
غابت عنه اسبوعين وردت دقتله.. طبعا بالغصب رد عليها لانه دوامه كان لين 9 فليل.. رمسته وعقب مره ثانيه فاتحها بالموضوع بس هالمره بجديه اكثر.. قال لها اوكي ماترومين تظهرين وياي قلنا اوك ووافقنا بس ماطرشين صورتج لا.. وخبرها انه مايروم يكمل وياها لانه هي مب واثقه فيه.. وهي تصييح وتقوله والله واثقه ومابيك تخليني ودموعها تنزل .. وهو مره مب راحمنها..اكتفى برده: خلنا نكون ربع احسن!!!
انصدمت منه وزادت اكثر في الصياح..ماتعرف ترضيه كيف بدون ماطرش صورتها وتم ينازعها ويعق عليها رمسه.. كله كان يقوللها انتي مب واثقه يوم بتوثقين فيني طرشيلي مسج لاني مول مابرد على اتصالاتج الا يوم بيوصلني المسج وعقبه الصوره.. انهارت ساره وسكرت عنه الخط وهي تايهه ومب عارفه شوتسوي تبا تصارخ تبا تشتكي عند حد بس مالقت حد!!بس اصرت على موقفها وقالت انها مابطرشله لو شو يصير..بس هي تحبه وكل شي يذكرها فيه.. كل ماتسمع اسمه تحن له.. وفي كل دقيقه تذكر صووته.. وتسمع اغنية ميحد ياناعم العود.. لانه مره اهداها هالاغنيه من الاف ام.. حياتها انجلبت فوق حدر.. وهي مستغربه كيف صار سعيد جيه؟؟!!



ماهو بشورك تاخذ الشور
تترك فوادي متعبني
ماني على هالبعد مجبور
وجروح صدك عذبني

6 شهور عاشتهن ساره وهي تعبانه.. ومستواها في الدارسه نزل.. وكله ضايجه حتى يوم تمرض كله تهاذي بسعيد.. وكان في خاطرها تعرف هو شو حالته؟؟ هل هو مثلها تعبان؟؟!! ولا مب هامنه شي؟؟!
يتها فكره ادقله بس كانت وايد خايفه من ردت فعله معنها متأكده مليون بالميه انه مابيرد عليها.. قالت بتجرب: دقت.. خلته دقه ومارامت تكمل وسكرت..
كررت هالشي اكثر عن مره.. وعقب ودرت هالحركه
وحطت في بالها انه خلااص هاي هي نهاية قصتهم.. من كثر قهرها طرشتله على ايميله اغنية خليفة البلوشي ياشموع العمر.. اللي عيبها في هالاغنيه كلماتها وحست انها تتكلم عنها خاصة يوم يقول:انكتب نبقى انا وانته سؤال بلا جواب..
وسوتله بلوك وديليت عشان ماتتعذب اكثر لانها تعرف انه مابيحدر..وطبعا تمت طول هالفتره وهي عايشه ومب عايشه..كم تمنت انها تشوفه ولو بالصدفه او حتى تسمع صووته.. بس حطت في بالها انه هالشي مستحيل...
في يوم عقب ماخلصت المدارس وطبعا قضت سنتين كاملات على اليوم اللي تعرفوا فيه على بعض.. كانت ساره حادره المسن فليل وكانت مره مظايجه.. صح انها كانت مستانسه لانها من قريب خلصت امتحاناتها وخلصت الاعداديه وصار عمرها 15..
قررت انها تبطل عنه الديليت وتخليه بالبلوك بس عسب تعرف انه هو يحدر ولا لاء.. طبعا كان مايحدر.. وهي متولهه عليه وايد وتبا ترمسه باي طريقه..
قررت انها ادق له وتشجعت ويه يوم ودقت له فيه....

تبغاني اسلى عنك
واجفاك وانساك
عطني مثل قلبك واسوي سواتي

دقتله وهي متولهه.. بس ماحست هالشي من صووبه.. بس سكتت عنه خافت تفتح الموضوع وياه وماتخلص.. تموا يسولفوون سوالف عاديه..عن شو صار وياهم طول هالفتره.. وتكرر هالاتصال اكثر عن مره..وكل مره كانت السوالف اللي امبينهم عاديه وساعات يسكرون عن بعض بسرعه.. بس ساره مب هامتنها السوالف هامنها بس انها تسمع صووته يلي يريحها..

تعبت من كثرت جروحك..
تعبت من طاري الفرقا..
تعبت اركض لجل ارضي غرورك
وانته تعــــاند..

ومرت الايام وساره ترمس سعيد.. وجنه مافي شي بينهم.. بس كان بين كل فتره وفتره يفتح الموضوع وهي تتفاداه بسرعه.. بس يه اليوم اللي كان يباه سعيد انه يحط حد حق هالسالفه..
مثل كل مره دقت ساره وهي مستانسه انها بتسمع حسه .. ماكانت تتوقع انه بتكون نهاية قصتهم في هاليوم.. دقت له وبدا يسولف وياها عادي .. وفاتحها بالموضوع تحسبت ساره مثل كل مره شوي وبيطفر وبيسكت بس للاسف تم يرمس ورد على موضوع الثقه تمت ساكته لانها حاطه في بالها انه بيهدا برووحه.. بس مب مثل ماتوقعت تم يعاند وهي من صوب تعاند..
لين ماوصل لحل وقال لها: خلااص انا ماباج!!!!!!!! انصدمت ساره وحاولت ادافع عن عمرها وتقوله كيف ماتباني واانا احبك.. رد عليها برد عمرها ماتوقعته منه: قال لها انتي ها اللي تبينه اني اخليج لانج مانفذتي لي طلبي ،، والحينه عاد انا بقولج ماباج عسب تقولين الحمدلله يت من صوبه مب من صوبي!!!!
لادقين مره ثانيه لاني مابرد عليج واصلا بغير ارقام تلفوناتي كلها..!!
انصدمت ساره وكلمة انصدمت شوي على اللي استوابها من كثر صدمتها تمت ساكته ودموعها تنزل على خدها.. بس هالمره ماحس بها انها تصيح لانه فقد احساسه بكل شي.. توقع انها راضيه على هالفراق عسب جيه وصاها على عمرها وهي مب رايمه ترمس او حتى تقوله انت خليت فيني شي صاحي؟؟..!! يوم شاف ماعندها رد سكر التلفون فويهها.. وهي تصييح مب عارفه شتسوي.. ضاعت وناستها.. كيف يخليها وهي تحبه ومتعلقه فيه؟؟!..فوق كل اللي صار ماكرهته وبعده في قلبها.. بس شوتسوي وماتقدر تجبره انه يتم وياها.. بعد مافاقت من صدمتها .. قررت انها تشوف دراستها.. سوتله بلوك وديليت من الايميل ومن حياتها هي بعد.. لين وصلت لمرحله تقدر تقول فيها انها نسته..
بس ساعات كانت تذكره خاصه يوم تكوون ظايجه..ورقمه في بالها وعمرها مانسته..

قررت انا ابعد عن حياتك وأخليك
قررت انا أنسى عشرتن كلها اجرآ آ آ آح
دامك تبيع الحب بنسى لياليك
خل ينفعك هجرك وفي بعدك ارتاح



انا اعترف..بعدك حياتي تختلف
تايه وحيد واصيح باسمك وارتجف
في كل شي اتخيلك.. ومهما تغيب
عندي امـــــل
بكره تجي وبكل شوق استقبلك..

مرت 9 شهور على هالسالفه.. وساره عايشه حياتها.. ساعات تكون ناسيتنه وساعات متذكرتنه وتوله عليه.. بس هي طمنت عمرها ان اكيد بتنساه في يوم من الايام.. ساره استوا عمرها 16 ومستانسه لانها خلصت الامتحانات وخلصت اول ثانوي وبتدخل ثاني ثانوي وناويه تدخل علمي.. كانت في اجازة الصيف وكالعاده ملانه .. وظايجه من كثرت الملل.. كانت مره حادره المسن فليل وطبعا هي مسويتله بلوك وديليت.. يعني ماخطر في بالها ابد.. كانت ساهيه ولا شوي يظهر لها مربع المسن تلقيت رساله من saeed... استغربت وخافت في نفس الوقت.. وتقول في خاطرها شو اللي ذكره فيني عقب هالشهور كله؟.. معقوله مانساني؟؟.. فتحت الرساله وكانت الرساله جواب على اسئلتها اللي محيرتنها..
كان كاتب في الايميل يلي وصل:
مرحباااا شحااالج ربج بخير؟؟
شولخباار طمنيني عنج وعن صحتج سوري على الازعاج بس حبيت
اطمن عليج
يلا ديري بالج ع عمرج
ومع السلامه
بااي
طبعا نزلت دموعها ماتعرف هي دموع فرح لانه مانساها ولا حزن لانها تذكرت كل شي صار.. تمت تقرا الرساله مره ومرتين وثلاث.. ما ملت منها.. بطلت رساله يديده ع اساس انها ترد عليه ..بس ماردت ماعرفت شو تكتب.. بس ردت عليه عقب اسبوع.. وكتبت له: مرحبتين .. انا بخير.. انت شحالك.؟.. غريبه مانسيتني؟؟!
وعقب ماطرشتله تمت كل يوم تحدر اتجيك وابد ماوصلها منه شي.. وحتى هي مافكرت اترد اطرش له مره ثانيه.. وقالت خلااص هو بس كان يبا يطمن وماظن بيرد يطرش مره ثانيه.. بس شلت عنه البلوك والديليت لانه كان عندها امل انه يحدر..

وانت بعيد..ترى النفس تغليك
وتقولك طمن فؤادك..ترى القلب
بـــاقي على العهد مايهزه
غيــــــــــــابــــــــــك..

ساره نست سالفة الايميل.. مرت 4 شهور من سالفة هالايميل..ومن قبل كانت هي شاله عنه البلوك والديليت.. المهم مره كانت سهرانه في الويكند ع النت تقرا قصص وع المسن.. شوي ويطلع لها تم تسجيل دخول ؟؟؟؟؟.. مانتبهت لانها متعوده تشوف علامات استفهام في نكات ربيعاتها.. وسوت طااف.. شوي الا يحدر عليها ويقول مرحبا... انصدمت ساره انه هو سعيد وتم قلبها يدق ماتدري من خوفها ولا من فرحها ومن استغرابها..ردت عليه برد عادي مرحبتين.. وتم يسالها عن احوالها.. وعقب قال لها انه يباها في موضوع ضروري.. قالت له:آمر ..قاللها ماينفع ع المسن انا بطلع الحينه مستعيل.. حاولي ادقين لي باجر وبخبرج.. ساره ماتبا ادقله لانها تعرف انه بيعلقها وعقب بيودرها..تمت تتحايل وياه انه يخبرها هالشي في المسن بس ماطاع يخبرها.. ظهر من المسن..وهي ظهرت ذيج الليله ماياها رقاد من كثر ماتفكر في سالفة سعيد.. بلباجر ماقدرت تمسك عمرها ودقت له..الــو.. هي ساكته حست انه صوته بدا يخوفها..ردت عليه بخووف..تم يرمسها عن سوالف عاديه وعن وين موصله هي في الدراسه.. خبرته انها في ثاني علمي.. استغرب وتم يحبطها ليش تدخلين علمي ماحيدج شاطره!!! ساره تسمعه وساكته مالها خاطر ترد عليه.. كمل كلامه: انا اللي اشطر عنج ودخلت ادبي وانتي تدخلين علمي؟؟!!..حست ساره انه وايد قلل من قدرها سوتله طاااف وماردت.. قاطعته وقالت له شو هو الموضوع الضروري يلي تباني فيه؟؟...رد عليها بكل برود: ماشي بس كنت ابا اسمع صوتج واسولف وياج!!.. انقهرت ساره لانها تعبت عمرها في التفكير..كملت سوالف وياه ويت تبا تبند ماطاع يخليها..وهي مستغربه اول مره جيه .. قالت له انها بدق عقب وقال اوك..سكرت عنه ولا دقت له في ذاك اليوم.. ردت دقتله عقب جم يووم وخبرها انه زعلان عليها لانها قالت له بدق ومادقت... تمت على هالموال وتكلمه كل فتره تقريبا..وكان طيب وياها.. ومره خبرها انه بيحدر المسن ويبا يجوف صورتها وسوتله كل اللي يباه..استانست ساره لانها حست انه علاقتهم ردت ويا بعض مثل اول..مره دقت له ايام امتحانات نص السنه.. وكان بودها تسولف وياه.. وهي تقوله لا لاتبند معنه كان وراها وايد دراسه.. طمنها وقال لها : ماعليه خلصي امتحانات وبتم اسولف وياج لين تشبعين... وهي مسكينه صدقت ماكانت تدري انه ها المره اخر مره تسمع صووته فيها........