سلامة: وليش موزة؟؟؟؟؟
محمد: عشان بنطلع نتحوط و بنتعشى و بنرجع.
سلامة: انزين موزة محد بيخليها تروح ويانا.
محمد: لا سيف كلم خليفة و قاله يقنع خالوه وهي وافقت.
سلامة: انزين باي.
سكرت سلامة عن محمد و قالتلهن إنهم بيطلعون مع سيف و محمد............. وصلو محمد وسيف وركبن البنات وياهم.
البنات: السلام عليكم.
محمد و سيف: و عليكم السلام.
موزة: شحالك محمد؟؟؟؟؟
محمد: الحمد الله بخير,,, شحالج أنتي؟؟؟؟؟؟؟
موزة: الحمد الله بخير.
مريم: وين بنروح؟؟؟؟
سيف: بنروح مبزرة نتعشى هناك.
سلامة: بس الحين يمكن يكون هناك زحمه و ما بنعرف وين نقعد؟؟
محمد: ما عليج شي مكان دايماً نروحله أنا و سيف و ما يكون حد فيه غيرنا فهذا الوقت.
مريم: شو بتعشونا تراني ميته يوع؟؟؟؟؟؟؟
سيف: بنعشيكم كنتاكي إذا ما تحبينه قولي الحين بيبلج عشى غيره.
مريم بستغراب: لا أحبه.
مريم و بشك: سيف شو بتسوي؟؟؟؟؟؟
سيف براءة: ما بسوي شي.
مريم: سيف أنا شاكه فيك أول مرة تكلمني بهاي الطريقة يعني شي مخطط.
سيف: ما مخطط شي.
مريم: صدق؟؟؟
سيف: صدق.
مريم: المشكلة ما أقدر أصدقك.
سيف: كيفج؟؟؟
مريم: ردوني البيت؟؟
محمد: ليش؟؟؟؟؟؟؟
مريم: محمد أنا مالي نفس لحركات ولد خالتك ردني بيتنا يكون أحسن.
سيف: ما بسويلج شي.
مريم: عيل ليش تكلمني بطيب؟؟؟؟؟
سلامة: يا مريم يمكن سيف بعد ماله نفس يضارب وياج عشان جيه.
مريم: يمكن.
وصلو مبزرة وقعدو مكان مافيه ناس.
محمد: شو رايكن بالمكان؟؟؟؟؟
موزة: واااااايد حلو.
محمد يطالع موزة بعفويه قالها: عيونج الحلوة.
استحت موزة.
مريم: إيه أخوها هني.
ضحك محمد.
سيف: أول مرة توقف وياي من وين طالعه الشمس اليوم لا لازم نحط هذا الخبر في برنامج حدث في مثل هذا اليوم.
الكل: هاهاهاهاهاهاها.
سلامة: يلا نحن يوعانين.
سيف: يلا أنزين خذي سلامة هذا لج و هذا لموزة و هذا لمريم.
البنات : مشكور.
وطلع سيف وجبته هو و محمد وهم ياكلون مريم كانت تبطل وجبتها و هي تتكلم و تاكل بدون ما تشوف داخل بس غصبن عنها عيونها طالعن شو داخل ومن شافت قامت تصارخ و جبت الأكل عليهم.
سلامة وموزة : شفيج ليش تصارخين؟؟؟؟؟
مريم وهي منقرفة: يع يع الله يسقمهم.
سلامة: شفيج؟؟؟؟؟؟؟؟
مريم:صرصور داخل الله يغربلهم و الله لفضحهم.
سيف ما رام يتحمل: هاهاهاهاهاهاهاهاهاهاهاهاهاهاهاهاهاهاهاهاهاها.
مريم وسلامة وموزة مستغربات يشوفون سيف ميت ضحك و محمد يحاول يمسك ضحكته.
مريم: ليش تضحك؟؟؟؟ أقولك صرصور داخل تضحك؟؟
سيف ضحك زيادة: هاهاهاهاهاهاهاهاها.
محمد وهو يضحك: حليلج يا مريوم هذا مقلب من سيف.
مريم: ما فهمت كيف يعني مقلب؟؟؟؟؟؟؟
محمد: يعني هو طلب من عندهم صندوق و صب البطاطا داخل و حطلج صرصور لعبه داخل الوجبة عشان تتروعين.
سيف: هاهاهاهاهاهاهاها.
مريم و بكل عصبية شلت دبة الماي و فرتها على سيف و مسكها سيف وهو يضحك.
مريم: و الله ما تستحي.
سيف: هاهاهاها يلا الحين تعادلنا انتي جبتي علي الماي و أنا روعتج.
سلامة و موزة: هاهاهاهاهاهاها.
مريم: سخيف والله إنك سخيف.
راح سيف السيارة و طلع وجبة ثانية لمريم و تقرب منها.
سيف وهو يبتسم: خذي هاي مالتج الوجبة.
مريم لافه ويها و ما طالع سيف: ما ريد مشكور.
سيف: يلا عاد مريم خذي كان إلا مزاح لا تزعلين.
مريم: مش زعلانه بس ما ريد شي منك.
سيف وهو يضحك: انزين آسف يلا كلي.
مريم: قتلك إني ما ريد.
محمد: يلا مريوم كلي عشان خاطري.
مريم: ماريد.
محمد: أفا مالي خاطر عندج.
خذت مريم الوجبةعن سيف: بس عشان خاطر محمد.
ابتسم سيف و راح يقعد عدال محمد و هو يفكر هاي البنت ما شي منها ما تزعل ولا تشل فخاطرها لو كانت وحدة ثانية مادري شو بتسوي......... بعد ما خلصو عشى ردو البنات البيت أول شي وصلو موزة وبعدين مريم,,,, و قبل لا تنزل مريم.
سيف: مريم انتي زعلانه؟؟؟؟؟؟
مريم: من شو؟؟؟؟؟؟؟؟؟؟؟
سيف: من الحركة إللي سويتها.
مريم: لا أنا آخذ الأمور بروح رياضية أنا أعرف إنك تمزح عادي يلا مع السلامة.
سيف: الله وياج.
محمد و سلامة: مع السلامة.
وبعدين وصلو سلامة البيت و ردوا محمد و سيف عند ربعهم.
ومر الأسبوع و بدت المدارس و الجامعة.
اتصلت مريم بسلامة تقولها أحسن يروحن هن الثلاث الجامعة بسيارة وحدة .
و فالجامعة كان هذا الأسبوع أسبوع الإرشاد.
موزة: الحين شو نسوي نرجع البيت.
سلامة: شو نسوي بعد خلص الإرشاد بنرجع البيت.
مريم: ليش نرجع خلونا نتعرف على الجامعة و نشوف المباني و وين بندرس.
سلامة: الحين انتي تعرفين أي مبنى بنداوم فيه نحن المستجدات؟؟؟؟
مريم: لا ما عرف بس أحسن نشوف الجامعة و يوم بناخذ الجداول بنكون نعرف أي مبنى بنداوم فيه.
موزة: صدقها خلينا نتعرف على الجامعة.
سلامي: أوكي يلا .
توهن بيطلعن من المسرح.
وضحة: إيه الثلاثي المرح.
لفن بثلاثهن يطالعن منو يزقر لأن الصوت مش غريب عليهن.
مريم بفرح: وضحة ونيلا وهند ما صدق.
البنات:لا صدقي.
سلمن البنات على بعض وخذن أخبار بعض وكل وحده تسأل الثانية وين رحتي وشو سويتي.
هند: لو سمحتي مريوم لا تزقريني هند مرة ثانية وإلا تراني بكسرج.
مريم: عاد أنا ما حب أزقرج إلا هند شو هندوه مب حلو.
سلامة: هاهاهاهاهاها مريم لا تبدين مع هندوه لأنكن أبد ما بتسكتن.
موزة: عيل وين زهروه.
وضحة: راحت تكلم أختها والحين بتيي.
نيلا: انتن الثلاث نذلات من الخاطر.
مريم: ليش شو سوينا.
نيلا: عنبوكن من خلصت المدرسة ولا وحده اتصلت تسأل عنا ولا وحده منكن غلطت واتصلت تشوفنا بخير وإلا لا وكل ما نتصل عند وحده يقولولنا مش موجودة وإلا بيت قوم موزة محد يرد ما تبن ترمسنا قولن ليش اللف والدوران.
موزة: حرام عليج نيلوه نحن كنا مسافرين ماليزيا شهر وسلامي ويانا مسافرة.
نيلا: مادام مسافرات خلاص عاذرينكم.
وبعد شوي ييت زهروه.
زهروه: السلام عليكم.
الكل: وعليكم السلام.
زهروه: يلا نسير.
استغربن سلامة وموزة ومريم من زهروه ليش ما تسلم عليهم.
موزة: زهروه ما بتسلمين علينا.
طالعتهم زهروه بتعجب وبعدين لفت على وضحة ونيلا وهند.
زهروه: انتو تعرفون هذيلا البنات – ولفت مرة ثانية على قوم موزة- عفوا خواتي انا اعرفكن.
الكل: هاهاهاهاهاهاهاهاهاها.
سلامة: هاهاههاهاها يقولون نحن ربع من أربع سنين.
زهروه: وليش انتن تذكرن؟.
مريم: هذا شي مستحيل ننساه.
زهروه: مبين تراه.
هند: زهروه عذريهن كانن مسافرات.
زهروه: والله مسافرات؟!! بس بعدني زعلانة.
موزة: كل زعلان يراضونه وانتي شو تبين عشان نراضيج.
زهروه بدون تفكير: بيبسي وكيك.
الكل: كنا عارفين هذا شي.
وضحة: بنات حد منكن شاف أمون وإلا كلمها؟.
البنات: لا.
مريم: انزين خلونا نتصل فبيتهم ونشوفها وين.
زهروه: انسير أنا وانتي نتصل وبنردلكم بسرعة.
راحن زهروه ومريم يتصلن بأمون.
وضحة: ما خبرتونا ماليزيا حلوه.
موزة: واااااااايد.
نيلا: يعني استمتعتو.
موزة: هيييه وانتو وين رحتو.
نيلا: مارحنا مكان قاعدين فالبيت.
هند: تصورتو هناك.
موزة: سلامي صورت وعيفتنا بصور.
وضحة: نبى نشوف الصور إذا ما عندكم مانع.
سلامة: لا ما عندي مانع بييبهن.
هند: عنبو وين هاذيلا.
نيلا: هذن يين.
سلامة: اتصلتو.
زهروه: هييه اتصلنا وردت علينا أمها.
موزة: وشو قالت.
مريم: قالت إن أمون مسوية عملية قبل أربع أيام.
وضحة: بسم الله عليها شو فيها.
زهروه: الدودة الزايدة.
سلامة: وشو حالها الحين.
مريم: الحمدلله تقول أمها بخير الحين.
نيلا: لازم نزورهااليوم.
هند: خلاص عيل كلنا اليوم نروح عندها شورايكن.
الكل: موافقين.
مريم: مادامنا كلنا متجمعين خلونا نستكشف الجامعة.
نيلا: يلا نسير.
زهروه: أنا بعدني ما نسيت الكيك والبيبسي بعدني زعلانة.
موزة: هاهاهاهاهاها ولا يهمج زهروه أول بنروح نشوف الجامعة وعقب بعزمج على كيك وبيبسي.
سلامة: عيوني موزان من وين بتاخذيلها كيك وبيبسي على ما عتقد نحن فجامعة مب مخبز.
موزة: يوم بنسير عند أمون بخذلها كيك وبيبسي.
زهروه: أنا أريد الحين بس ماعليه خلاص بتحمل.
لفن الجامعة كلها وشافو المباني بس إللي يشوفهن بيقول سكارى طول الوقت يضحكن ويتمصخرن ع بعض
الأربعاء فبراير 10, 2010 8:34 am