انتظر كلمة احبك,,,,23

سيف: اخبارج سلامي؟؟؟؟؟

سلامه: الحمدالله اخباري حلوه

سيف: انزين الحمدالله يوم رديتوا بتفكيني من ويه اخوج طول الوقت لاصق فيني

محمد: انا الي لاصق فيك ولا انت كل اربعا و خميس و جمعه تلقينه لاصق فبيتا و يطفر بروضه وخالد

سيف: شسوي محد عندي في البيت مع منوه اقعد.

محمد: انزين يلا خلني أوصل سلامي البيت لأنها تعبانة.

سيف: هي تعبانة وإلا قول إنك تريد ترقد.

محمد: هييه أنا أريد ارقد ارتحت.

سلامة: هاهاهاهاهاهاها صدق اشتقتلكم انتو الثنينه وايد.

راحو سلامة ومحمد البيت ومن وصلو دخلت سلامة وهي متأكدة إن الكل راقد لأنها الساعة 3 وفتحت الباب وما تشوف إلا روضة ناقزة عليها.

روضة: اشتقتلج سلامي وايد مرة ثانية ما شي سفر بدونا.

سلامة تضحك: إن شاء الله عموه.

دخلت داخل وشافت خالد وابوها وامها قاعدين يتريونها سلمت على خالد ولوت عليه وراحت تسلم على ابوها وحبته عراسه وإيده وعقب راحت تلوي على أمها ودمعن عيونها ما توقعت تلقاهم كلهم واعيين يتريونها.

سلامة: فديتكم والله كلكم قاعدين تتريوني لين الحين.

بومحمد: نحن كم سلامة عندنا إلا وحده.


وبعدين كل واحد راح حجرته يرقد , دخلت سلامة حجرتها ولقتها معطرة ومدخنه ومشغلين المكيف والحجرة باااردة تساعد على الرقاد رات تتسبح وكانت الساعة أربع وقالت بتصبر لين ما يأذن وانسدحت على الشبرية واتذكرت الموقف إللي صارلها فذاك اليوم المشؤوم وفكرت اتخبر محمد عليه بس قالت أحسن ما تخبره ولا تكبر السالفة وسمعت الأذان يأذن وقامت تصلي وبد ماخلصت وعت اخوانها عشان يصلون وردت الحجرة ترقد ورقدت ارقاد تعب وبدون أحلام أو إزعاج.


ونشت سلامه الساعه 12 اتسبحت و طلعت ولقت اهلها كلهم قاعدين في الصاله يتكلمون .
سلامه: السلام عليكم .
الكل: و عليكم السلام .
ام محمد : سلامي شو تحسين نفسج اليوم مرتاحه؟؟؟؟
سلامه: هيه امي مرتاحه وااايد.
خالد: سلامي قوليلنا شو سويتوا فماليزيا؟؟ و ماليزيا حلوة؟؟
سلامه: هيه ماليزيا وااايد حلوه و حدايقهم احلا.
وتمت سلامه تحكي لاهلها عن ماليزيا و المواقف الي ستوتلهم و بعدين اذن وراحوا كلهم يصالون و بعد الصلاة حطوا غدى و هم بعدهم يسولفون مع سلامه
روضه: سلامي شو اكثر موقف تفشلتي فيه؟؟؟؟
سلامه: اكثر موقف .... هيه تذكرت يوم كنا رايحين المول انا موزة و خليفه و احمد و محمد و منى و قعدنا ناكل ايسكريم و بعد ما خلصنا قاموا كلهم يمشون و انا اخر وحدة امشي كنت اشوف واحد ماليزي من اول ما قعدنا ناكل وهو رايح راد و عاد تعرفون انا الافكار الي فراسي قلت اكيد هذا بسوي شي و انا امشي و اطالعه و ريال كان يمشي صوبي و انا تخيلت ان الريال يمسكني و من تقرب عدالي صرخت بصوت عالي الريال تروع و تم يطالعني وهو بيصيح و مشى عني و هو خايف ويوقف خليفه عدالي و هو يسالني شوووفيج ليش تصارخين بس انا مارمت اسكت من الضحك لأن الريال مسكين كان يمشي وهو سرحان و انا صرخت فويهه و تروع و ضحكت و موزة وياي و مارمنى نرد على خليفه الي عصب علينا يريد يعرف شوفيني و من قلناله تم يتمصخر علي لين ما ردينا الفندق... كل ما مر ريال عدالي كان يقولي سلامه لا تصارخين .
وضحكوا كلهم على سلامه و بعد ما خلصوا غدى راحت سلامه حجرتها عشان تيب هدية امها و ابوها ردت سلامه عندهم و لقتهم يشربون جاي الا محمد ما كان موجود.
سلامه وهي مستحيه من ابوها: اسمحلي ابويه عاد هاي هديه بسيطه مني .
ابو محمد: مشكوره يا بنتي انا ماريد عليج شي
سلامه: وهاي هديج امايه .
ام محمد: مشكوره سلامي.
روضه: و انا وين هديتي ؟؟؟؟؟
سلامه وهي تضحك: هديتج انتي وخالد في الحجرة انسير بعطيكم اياهن .
وراحت سلامه وروضه و خالد لحجرتها و عطت خالد هديته و بعدين عطت روضه.
سلامه: خذي هاي هديتج مثل ما طلبتيها اغراض المدرسه ...شنط و قلامه و دفاتر و قمصان مدرسه و جواتي
روضه: مشكوره سلامي ما تقصرين ... و سويرة شو خذتيلها ؟؟؟
سلامه: مش انتي قلتي اخذ لساره و ريم و ريما مثل هديتج؟؟؟
روضه: هيه
سلامه: خلاص عيل خذتلكم كلكم نفس شي
روضه: مشكووورة سلامي ... الحين انروم انطقم في كل شي و بعد نكون مميزات فالمدرسه
سلامه: وين محمد؟؟؟
روضه: راح حجرته ازقره؟؟؟؟
سلامه: لا انا بروح عنده
راحت سلامه عند محمد ودقت الباب .
محمد: دخلي سليم
سلامه: شو تسوي؟؟؟؟؟
محمد: ماشي
سلامه: انزين خذ هاي الهديه من عندي
محمد: مشكوره سليم
قام محمد يحب راس سلامه
سلامه: ليش يعني ؟؟؟؟؟
محمد: لأنج الوحيدة الي ما تنسيني
سلامه بخبث: لا مش بس انا خذ هذا الكيس بعد
محمد: مشكورة سلامي ليش كل هذا؟؟؟؟
سلامه و ابتسامة خبث على ويها : لا حبيبي هذا مش من عندي من عند حبيبة القلب
محمد وهو فرحان: قولي والله انه من عندها ؟؟؟؟
سلامه وهي تضحك: والله من عندها
محمد: فديتها هي بعد ...مثلج ما تنساني
سلامه بغلاسه و هبل : هيه محمد تذكرت متى تريدنا نسوي الخطه؟؟؟؟؟
محمد بستغراب: أي خطه؟؟؟؟
سلامه: الخطه عشان انخلي موزة تغار
محمد: هيه لا حياتي انسي الموضوع انا ما تهون علي موزان كله ولا زعلها انا ما اقدر عليه
سلامه: يعيني عليك يا اخوي وينج يا مويز لو تسمعينه عادي تصيحين طول عمرج
محمد: لا لا لا لا مادام بتصيح ماريدها تسمع كلامي ابد ما اقدر اشوفها تصيح
سلامه: دموع الفرح
محمد: كله واحد دموع فرح ولا حزن
سلامه: خلاص عيل انا بروح حجرتي عشان ارتاح شوي... و انت فكر بمويز
ضحك محمد على كلام سلامه ... اما سلامه فراحت ترتاح و بعدين يتها روضه و قالت لها ان حرمت عمهم منصور و مريم و سارة بيون بعد المغرب يسلمون عليها ..... بعد صلاة المغرب كانت سلامه في حجرتها تجحل عيونها و يندق باب حجرتها
سلامه: دخلي رويض الباب مفتوح
انفتح الباب ودخلت ......
مريم: السلام عليكم.
لفت سلامه صوب مريم : وعليكم السلام شحالج مريوم؟؟؟
وراحت سلامه تلوي على مريم
سلامه: شتقتلج واااايد
مريم: حتى انا شتقتلكم حمدالله على سلامه.
سلامه: الله يسلمج
مريم: انسير تحت غانم يريد يسلم عليج
سلامه: والله وفيه خير ولد العم ياي يسلم علي
نزلت تحت ولقت امها وحرمت عمها و غانم و سارة وروضه قاعدين
سلامه: السلام عليكم
الكل: وعليكم السلام
سلمت سلامه على حرمة عمها و سارة اما غانم فمدت ايدها عشان تسلم عليه
غانم: حمدالله على السلامه سليم
سلامه: الله يسلمك شحالك غانم ؟؟؟؟
غانم: الحمدالله بخير ... ماقلتيلنا ستمتعتوا في ماليزيا ؟؟؟
سلامه: هيه ستمتعنا وااايد حلوه
غانم: اكيد حلوه كلهم يمدحونها
وتموا يسولفون كلهم وترخص غانم وطلع عنهم اما سلامه فقالت للبنات يروحن وياها حجرتها و تمن امها و حرمة عمها يسولفن .
في حجرة سلامه
مريم: سليم وين هديتي؟؟؟
سلامه: هديتج موجوده .
عطت سلامه مريم هديتها .
مريم: ايه سليم انا كنت امزح .... ما صدقتن و ما خليتن شي ما خذتنه.
سلامه: والله يا مريوم انتي تستاهلين و بعدين نحن كل ماخذنا شي لعمارنا خذنالج اياه
مريم: مشكوة سليم عطيني التلفون اريد اتصل بمويز عشان اشكرها
سلامه: شكريها يوم بتعطيج هديج
مريم: لا يا سلامه والله وااايد انا كنت امزح
سلامه: ماعليج عشان نطقم كلنا في الجامعه
مريم مستحيه من سلامه: مشكورين
سلامه: لا تمين تشكرينا هاي هديه ...... و انتي يا سويرة هاي هديتج
وبعد شوي يندق الباب وقامت روضه تفتح الباب و يدخلن ريم وريما : السلام عليكم
الكل: وعليكم السلام
ريم وريما: حمدالله على السلامه سلامي
سلامه: الله يسلمكن
عطتهن سلامه هديتهن و بعدين طلعن سارة وروضه و ريم و ريما و خلن سلامه ومريم بروحن
مريم: هيه قبل لا انسى خذي هذا الكيس لج خذتلكن اغراض الجامعه و كلنا متشابهات
سلامه: مشكورة
مريم: وخذي هذا الكيس الثاني ...و كل عام وانتي بخير
سلامه دمعن عيونهاوقامت تلوي على مريم: وانتي بالف خير مشكورة والله ما توقعت حد يتذكر
مريم: مستحيل انسى عيد ميلادج و ان شاء الله تعيبج الهديه .
بطلت سلامه الكيس ولقت صندوقين واحد فيه ساعه اما في الصندوق الثاني فكانت اسوارة وااايد حلوه ورقيقه
سلامه: مشكورة مريم وااايد واااااايد حلوه الهديه
مريم: سلامي اريد اروح اسلم على موزة
سلامه: انزين روحي باجر
مريم: استحي اروح اروحي تعالي وياي
سلامه: لا مريم مافيني اسير
مريم: حرام سلامي عشان خاطري
سلامه: انزين خلاص عشانج بس مش باجر بروح
مريم: متى عيل؟؟؟؟؟
سلامه: ورا باجر
مريم: ان شاء الله
مريم: يلا خبريني شو سويتوا فماليزيا
سلامه خبرت مريم عن ماليزيا و تمن يسولفن لين ما ندق الباب
سلامه: انا اعرف دق لاني دخلي لاني
لاني: ما ما سلامه هذا حق انتي
سلامه و مريم : يا سلام محلاها
كانت باقة ورد عودة وااايد حلوه
مريم: من عند منوه؟؟؟؟؟
سلامه: ما دري خلينا نشوف البطاقه
قرت سلامه البطاقه و كان بكتوب فيها( كل عام و انتي بخير يا الغاليه. محمد)
سلامه: فديت اخوي الي ما ينساني
مريم: والله الباقه عجيبه
لاني: ماما مريم ماما مال انتي يريد انتي قول يلا بروح
سلامه: صبري لاني
لاني: شويريد؟؟؟؟
سلامه: خذي هاي الهديه لج
لاني: حق انا مشكور وااايد راحت لاني
ونزلن سلامه و مريم تحت و روحت مريم مع امها و تمت سلامه ترمس مع امها و تسولف معاها .
سلامه: امايه تراني ماخذة هديه لدريول و الطباخ اباج تعطينهم اياهن .
ام محمد: انتي ما خليتي حد ما خذتيله
سلامه: امي لازم اخذلهم مش زين
ام محمد: انزين روحي يبيهن الحين بروح المطبخ اطالعه شو سوى عشى .
راحت سلامه حجرتها و شافت فوق الشبريه صندوق و كيس و بطلت الكيس و لقت عقد وااايد حلو و بطاقه مكتوب فيها (كل عام و انتي بخير . من ابوج وامج) فرحت سلامه من الخاطر لان الكل اتذكرها و بطلت الصندوق ولقت فيه مجموعه هدايه عطور و ساعه و مكياج و شنط و لقت بطاقه مكتوب عليها( كل عام و انتي بخير ..محمد و روضه وخالد.

نزلت سلامه عند امها
سلامه: مشكورة امايه
ام محمد: على شووو؟؟؟؟
سلامه: على الهديه امايه
ام محمد : عيبج؟؟؟؟؟
سلامه: وااااايد مشكورين
ام محمد: العفووو هاذيلا هداياهم هاتي
راحت ام محمد المطبخ و اما سلامه فراحت عند روضه ودقت الباب

روضه: منو عند الباب يدخل

سلامه: شو تسوين رويض؟؟؟؟؟

روضه: ارتب اغراض المدرسه ... شوفي كنت انا مختارة البس هذا الجوتي و القميص اول يوم في المدرسه بس الي انتي يبتيهن احلاااا فقررنا نلبسهن اول يوم

سلامه: روضان مشكورة على الهديه

روضه: انتي شفتيهن؟؟ و عيبنج؟؟؟؟

سلامه: هيه شفتهن وااااايد عيبني

روضه: صدق سلامي؟؟؟؟

سلامه وهي تبتسم: صدق ليش انتي شاكه

روضه : صراحه هيه لان محمد كل ما كنا نختار شي يقولنا ما بيعيبج اخر شي طلعنا بهذي الهديه

سلامه: وااايد حلوه انتي رحتي مع منوه ؟؟؟؟

روضه: انا و محمد و خالد والله لو تشوفينا في سوق بتقولين سكارى والا ما شايفين خير طول الوقت نضحك بس استمتعنا في هذا اليوم

سلامه: و شو سويتي في الاجازه ؟؟؟؟؟

روضه: طوول السبوع ملل بس الاربعا و الخميس و الجمعه لان محمد ما خلا مكان ماودانا اياه هو وسيف بس والله فحياتي ماعرفت ان سيف غلس واااايد كان يطفربنا انا وخالد و ما يخلينا بحالنا

سلامه: سيف دايما جيه عيل شو تقولين عن مريم حليلها شو كان يسويبها ... عيل وين خالد ؟؟؟؟

روضه: وين يعني الا يلعب كوره

سلامه: هيييه زين عيل بخليج بروح اتصل بمحمد

روضه: برايج

راحت سلامه تتصل بمحمد

محمد: الووووو

سلامه: هلاااا محمد

محمد: اهلين سلامي شحالج؟؟؟؟

سلامه: الحمدالله ....... محمدمشكور وااايد على الهديه و الباقه

محمد: العفوو سلامي

سلامه: وين انت؟؟؟؟؟

محمد: رايحن ناخذ عشى انا وسيف ويقولج لا تتعشين

سلامه: ليش؟؟؟؟؟؟

محمد: سيف عازمنكم على العشى عشان عيد ميلادج

سلامه: خلاص عيل نترياكم

محمد: يلا باي

سلامه: باي

سكرت سلامه عن محمد و راحت لروضه تقولها ان سيف عازمنهم على العشى و كانت بتنزل تحت و سمعت حد ينازع تحت طبعا كالعادة امها تنازع خالد