انتظر كلمة احبك,,,,22

احمد: اسف اذا وعيتك؟؟؟؟؟؟

خليفه: لا انا مش راقد

راح احمد يبدل ثيابه ونسدح فوق الشبريه و خليفه منصدملان احمد من عوايدة من يدخل الحجرة يرمس ولا يسكت شوووفيه اليوم ساكت

خليفه: احمد شو فيك؟؟؟؟

احمد: مافيني شي ..... ليش؟؟؟؟

خليفه: مش من عوايدك ما تتكلم ؟؟؟؟؟

احمد: تعبان

خليفه: هيه

سكتوا بعد شوي

احمد: خليفه

خليفه: شوووو

احمد وعيونه يدمعن: انت ليش جيه سويت بسلامه؟؟؟؟؟؟؟؟؟

سكت خليفه و مارد عليه

احمد: والله حرام عليك هاي مش اختك حتى اختك ولا مره كلمتها بهاي الطريقه صدقني يا خليفه سلامه مش من هذا النوع الي انت تتوقعه

خليفه: أي نوع؟؟؟؟؟

احمد: من البنات الخايسات هي محترمه واااااااااااااايد

قعد خليفه وشغل الليت و شاف احمد يصيح

خليفه: احمد انا اعرف ان سلامه مش من هذا النوع بس انا كنت معصب واعرف اني غلطان وباجر ان شاء الله بعتذر منها و براضيها

احمد: والله بتراضيها ؟؟؟؟؟

خليفه وهو يبتسم: والله

احمد: لازم تراضيها لان سلامه ما تهون علي انا وااايد احبها .

خليفة: انزين يلا رقد و تصبح على خير.

احمد: وانت من اهل الخير.

بند خليفة الليت و يقول فخاطره حتى أنا أحب سلامة و أغار عليها وايد وايد.

و بالباجر قالت موزة لسلامة تسير وياها عند اسما بس سلامة ما طاعت لأن راسها يعورها راحت موزة عند اسما وبعدين يا أحمد و محمد عندهم.

موزة: أحمد خليفة واعي.

أحمد: هيه واعي.

موزة: عيل أنا بروح عنده باي اسما.

اسما: باي.

راحت موزة عند خليفة.
موزة: صباح الخير.

خليفة: صباح النور شحالج موزة؟؟؟؟؟

موزة: الحمد الله بخير

خليفة: قولي إللي تبين؟؟؟؟؟

موزة: شو تباني أقول؟؟؟؟

خليفة: قولي مثل ما قال أحمد ليش أنا جيه سويت؟؟؟؟؟

موزة: ما دامك عارف ليش أنا يايه عندك ليش ما تقول بس صدقني خليفة أنت غلطان ما كان لازم تقولها جيه انزين على الأقل قولي أنا أنا أختك و أعرفك زين أعرفك يوم تعصب ما تشوف إللي جدامك و تقول كلام سم بس سلامة ما تعرفك و انت تعرف شو قلت انت قلت كلام ما ينقال لحد لو أنا قايلي هذا الكلام عادي أزعل عليك أو أخبر أبوي و أمي عليك بس هي قالتلي ما أخبر حد.

خليفة: ليش؟؟؟؟؟؟؟؟؟

موزة: ما أدري و الله أمس صحت وياها أول مرة أشوفها جيه تصيح و تمت تحلف إنها ما تعرف الريال و فحياتها ما كلمته.

خليفة: أعرف إنها ما كلمته.

موزة: يوم تعرف ليش قلتلهاجيه؟؟؟؟؟

خليف: يا موزة أنا مت من القهر و أنا أسمعهم يطرونها و يتغزلون فيها.

موزة: منوهم؟؟؟؟؟

خليفة: الشباب إللي قاعدين عدالي سمعتهم يطرون وحده و يمدحونها و ما خلو شي فيها ما تغزلو فيه أنا ما كنت أعرف إنهم يطرون سلامة و كنت ميت قهر خاطري أضربهم لأنهم يطرون البنت ومن عرفت إنها سلامة ما تصورين كيف كانت حالتي و خاصة إنه قام و راح وراها الغيرة ذبحتني يا موزة قلت ذاك الكلام و أنا مش حاس بإللي أقوله أنا ما أتحمل أشوف واحد يتغزل بأهلي وخاصة إني سمعت كل شي وأحب حد يطري أهلي بزين وإلا الشين.

وسكت و موزة بعد ساكته من الصدمة.

موزة: خليفة انت تحب سلامة؟؟؟؟؟

خليفة و هو مرتبك: أنا ما قلت جيه.

موزة: من كلامك أحسك تحبها وبعد من نظراتك حقها.

خليفة: ما أدري يا موزة ما دري إذا كنت أحبها و إلا لا بس إللي أعرفه إن سلامة وايد تعيبني و أنا كنت أفكر أخطبها بعد ما نرجع بسلامة إن شاء الله.

موزة: بس انت خربت كل شي يا خليفة هي مستحيل توافق بعد إللي سويته.

خليفة: أدري يا موزة أنا أريد أكلمها بعتذرلها هي وين؟؟؟؟؟؟؟؟

موزة: هي فالحجرة.

خليفة: انزين أنسير أنا و انتي أريد أكلمها قوليلها.

راحو خليفة و موزة عند سلامة.

موزة: سلامة خليفة بيدخل يريد يكلمج.

سلامة: ما أريد أسمعه.

موزة: عشان خاطري سلامي والله تسمعينه.

سلامة: عشانج بس.

دخل خليفه : السلام عليكم

سلامه: وعليكم السلام

خليفه: شحالج سلامه؟؟؟؟؟؟

سلامه: الحمدالله بخير بدونك

خليفة: الله يسامحج

سلامه: يسامح الجميع ان شاء الله يا رب

طلعت موزة من الحجرة

سلامه: موزة لا تروحين

خليفه:خليها تروح ما بكلج

سلامه اطالعه بعصبيه: شو الي يظمنلي انك ما تضربني ولا ما بتاكلني و بعدين انا مالي قعده وياك فحجرة وحده

كانت بتطلع بس خليفه ما خلها سكر الباب

خليفه: سيري قعدي بخلي الباب مفتوح لا تخافين

تمت سلامه اطالعه و ما تحركت

خليفه: روحي قعدي

راحت سلامه تقعد على الكرسي

خليفه: اعرف انج شريفة مكه بخلي الباب مفتوح

سلامه بكل تكبر: صدق تعرف ما كنت ادري لان كلام امس كان غير

خليفه: سلامه انا اعرف اني غلطان و انا اسف

سلامه: الحين شو المطلوب مني؟؟؟؟

خلفيه: سلامه انا اعتذر منج ...... تقوليلي شو المطلوب منج

سلامه: هيه شو المطلوب مني؟؟؟؟؟ تباني اقولك اني مش زعلانه و اني راضيه عليك و فاهمتنك و بنسى كل الكلام الي قتلي اياه فانا اقولك هذا ف حلامك مستحيل اسامحك والا انسى كلامك لو انا قايله هذا الكلام لك عادي تجتلني مستحيل اتسامحني و انا يا خليفه ما اقدر انسى انك اهنت كرامتي جدامهم كلهم و ارجوك يا خليفه اطلع برع لاني من اشوفك احس اني اكرهك اكرهك اكرهك اكرهك و تمت سلامه تصيح

خليفه طلع برع و موزة شافت خليفه يطلع من الحجرة

موزة: خليفه

بس خليفه روح ولا كلمها طلع برع الفندق و كلام سلامه في باله (ارجوك يا خليفه اطلع برع لاني من اشوفك احس اني اكرهك اكرهك اكرهك اكرهك) تكرهني سلامه تكرهني لا مستحيل لا يا سلامه ليش قلتيها ليش؟؟؟؟؟

راحت موزة عند سلامه و لقتها تصيح و تمت تهديها

موزة: بس يا سلامه لا تصيحين اسفه لاني خليتج تكلمينه شوووو قالج خليفه و شو سوى بعد؟؟؟؟

سلامه وهي تصيح: ماقال شي انا الي قلت ........ و تمت تصيح

ومرن الايام وخليفه و سلامه بنفس الحاله سلامه ما تكلم خليفه ولا تطلع من الحجرة اما خليفه ما كان يكلم حد بس اذا طلبوا منه شي و كان يوم الاحد وهو يوم ردتهم البلاد جهزوا اغراضهم وراحوا المطار وركبوا الطيارة و كان محمد و سيف ما خذين اجازه يومين عشان هم بستقبلونهن فالمطار

في الطيارة موزة كانت راقدة اما سلامه فتحس بملل فضيع و تعب و بعدين تذكرت انها حاطه قصه فالشنطه الي فوق قامت سلامه عشان تيب الشنطه و مارامت و خليفه كان يطالعها و قام عشان يعطيها الشنطة

خليفه : شو تبيين الشنطة؟؟؟؟

سلامه: هيه

طلع خليفه الشنطه لسلامه وخذتها عنه و طلعت القصه و تبى ترجع الشنطه بس خليفه شلها عنها

سلامه: مشكور

وقعدتو راح خليفه وقعد و يقول في خاطره حتى ما طالعتني ولو بلغلط يالله يا سلامه محد بينني غيرج حتى الاعتذار ما فاد مرن التسع ساعات ببطئ بس المهم انهم وصلوا البلاد وصلوا دار زايد

سلامه: الحمدالله اخيرا والله اشتقتلج يا الامارات واااااااااايد الحمدالله على السلامه مويز

موزة: الله يسلمج وصلنا للارض الحبيبه خذوا شناطهم ولقوا محمد وسيف مستقبلينهم سلموا سيف و محمد عليهم و تحمدولهم بالسلامه طبعا سيف بشل ابوه و امه واحمد و محمد اما محمد بيركب وياه خليفه وسلامه و موزة اما عبدالله و اسما و بنتهم فبركبون سيارة عبدالله الي كان عاطنها واحد من ربعه وقاله يوقفها عند المطار يوم يرجع ....... في سيارة محمد كانوا يتريون خليفه الي رايح يوصل منى عند امها

محمد: شحالج موزة؟؟؟؟؟؟

موزة وهي مستحيه: الحمدالله بخير بشوفتكم

محمد: شكلها عيبتكم ماليزيا ........ مابغيتوا تردون

موزة: عيبتنا واااايد ..... بس ما تسوى الامارات

محمد: اشتقنالكم

سلامه: حتى نحن اشتقنالكم واااايد واااايد

محمد: انتي اعرف انج اشتقتيلنا بس موزة ما قالت اذا اشتاقتلنا والا لا؟؟؟؟

موزة وهي قافطه: شي طبيعي اشتقتلكم نسيت ان اخوي هنيه

محمد: بس لخوج مشتاقه؟؟؟؟؟؟؟

موزة و بدت تتوتر من كلام محمد: حتى انت اشتقتلك

محمد بفرح: اخيرا قلتيها ما بغت تطلع

سلامه وهي تضحك: خلاص يا محمد لا تحرجها اكثر

و قبل لا يرد محمد دخل خليفه السياره و تمت سلامه تسولف مع اخوها طول الطريج محمد كان يحاول يدخل خليفه وياهم في السوالف لان يحس ان خليفه مش طبيعي شي فيه و صلوا بيت خالتهم و نزلوا الاغراض وبعدين ركبت سلامه عدال اخوها وقبل لا يروحون ياهم سيف