انتظر كلمة احبك,,,,17

ابو عبدالله: ماخبرتوني شو رايكم بالحديقة؟؟؟.

اسما: صراحه ما عليها كلام وااايد حلوه.

ام عبدالله: سلامه بنتي كلمتي اهلج؟؟؟.

سلامه: هيه خالوه كلمتهم و يسلمون عليكم.

الكل: الله يسلمج وياهم من الشر.

وصلوا حديقة الطيور و كانت واااايد حلوه الشير في كل مكان وو الحديقة كبيرة و طيور حوليك من كل مكان يمشن بس ممنوع انك تتقرب منهن و حاطين بحيره لطيور و محلاااا الطيور الوان واشكال غريبه اول مره تشوفهم و قعدوا يتصورون و ما خلوا مكان في الحديقة ما تصورو فيه و في الباص.

ابو عبدالله: تريدون تروحون المصنع والا الفندق؟؟؟.

موزة:لا نريد نروح المصنع.

أبو عبدالله يكلم المرشد عشان يوديهم المصنع.

اسما: انزين مصنع شوو؟؟؟؟.

خليفه : مصنع الفضه.

وصلوا المصنع و كانت فيه وااايد اشياء حلوه تحف ودلال و اكواب و صحون و اشياء ثانيه.

سلامه: موزة تعالي شوي خلينا انسير عند ذاك الريال.

موزة: شو انسوي عنده؟؟؟؟؟.

سلامه: بنشوفه شو يسوي.

موزة: يلا.

رااااحن عنده وشافنه شو يسوي قالهن اذا كاانن يريدن يجربن لانهن واقفات يطالعنه بعجب... كان ماسك مطرقه صغيره واااايد ويدق الفضة و يسوي عليه اشكال حلووووه وعاد هن ما صدقن راحت موزة اتجرب و تمن يضحكن لان شكل موزة كان غلط وهي دق و بعدين جربت سلامه وهن ما كانن يدرن إن خليفه يصورهن.

خليفه: مش جنكن خربتن مال الريال.

موزة: هو الي عرض خدماته.

خليفه: عااد انتن ما تنعطن ويه.

سلامه: انزين شو رايك اتجرب والله عجيبه هاي المطرقه .. منو يصدق ان هاي الصغيره تسوي جيه.

خليفه: لا مشكوره ماريد اجرب يكفينا اخبال ثنتين بعد انا؟؟.

اسما: انتو نحن رايحين.

خليفه: يلا يايين.

ركبوا كلهم الباص و كانت الساعه 3 ونص وراحوا يتغدون في مطعم فراي ديز و تصورو فيه وسلامه وقفت احمد عدال النادله و صورته وياها وهو كان متفشل و ردت تقعد هي وياه.

سلامه: طلبتوا؟؟؟.

موزة: ما اعرف شو اطلب انتي طلبي.

سلامه: ولا انا اعرف....... شورايج نطلب هذا.

موزة: اوووكي.

وياهم النادل ياخذ طلبهم و قالوله شو يبون وهو قالهم ان الطلب الي يبونه حرام ما يقدرون هم ياكلونه لانهم مسلمين و ما عرفن شو يطلبن.

خليفه: شفيكن؟؟؟؟.

موزة: ما نعرف شو نطلب؟؟؟ الي طلبناه طلع لحم خنزير.

خليفه: انزين انا بطلبلكن.

سلامه: تسوي فينا خير.

و كلم خليفه النادل و طلبلهن نفسه ....... و بعد ما خلصوا غدى كانت الساعه 4 ونص ... راحوا المتحف وكان وااايد حلو.

ابو عبدالله : ترى الحين نحن رادين الفندق بنتسبح و نغير و نريح شوي وبعدين بروح نتعشى على الساعه تسع يعني الحين الساعه 7 يعني عندكم ساعتين و بعدين بنطلع و ماشي تاخير ترى ما بنطلع بالباص بنمشي والا بنروح بتكسي.

الكل : ان شاء الله.

وصلو الفندق واتفق ابو عبدالله مع راعي الباص يكون الساعه 9 الصبح موجود وتفقوا على برنامج باجر........

كل واحد راح حجرته لانهم ميتين تعب.

وصلو الفندق واتفق ابو عبدالله مع راعي الباص يكون الساعه 9 الصبح موجود وتفقوا على برنامج باجر........



كل واحد راح حجرته لانهم ميتين تعب.



في حجرت سلامه و موزة.



سلامه: ريولي يعورني من كثر ما امشينا.



موزة: صدق تعب بس صراحه هذا اليوم لا يتعوض حدايقهم ماشي منهم الا اقولج كم فلم صورتي ؟؟؟؟

سلامه: 3 ليش؟؟؟


موزة: خيبه 3 هذا اول يوم انتي كم فلم يايبه معاج؟؟؟

سلامه: 10 اذا ما كفني بشتري... بس على ما اعتقد بيكفن

موزة: والله ماعتقد انهن بيكفن
يلسن البنات يسولفن وعلى الساعه8
سلامه: موزان مادامنا جاهزات شو رايج نروح عند اسما

موزة: يلا نسير يمكن تريدنا نساعدها

راحن عند اسما ولقنها جاهزه بس تتكلم تلفون وولده محمد مش موجود و منى يالسه تلون موزة تصاصر سلامه: هاي شكلها ما متفيجتلنا تكلم ريلها بس ان م طفرتبهم ما اكون موزة

سلامه: حرام عليج خليهم بنشل نحن منى و بنروح عند قوم خالتي



موزة: انزين بس صبري شوي



اما اسما ماريمه ترمس ريلها جدامهن وهي تشوف فعيونهن انهن بسون شي



موزة بخبث: اسامي منو ترمسين



منى: تكلم بابا



موزة: هيه تكلم بابا اقول اسامي شحاله ريلج؟؟



عبدالله وهو يضحك: قولي لموزان تطلع برع احسلها



اسما: ريلي بخير و يقولج طلعي برع



موزة: ليش اطلع نحن ملانين ونريد نقعد وياج صح سلامه



سلامه: صح



اسما تضحك: ما يبن يظهرن



عبدالله: عطيني موزة



اسما ان شاء الله ...... موزة عبدالله يريد يكلمج



موزة: الووو هلاااا والله بخوي هلااااااااااا



عبدالله : اهلين موزان شحالج؟؟؟



موزة:الحمدالله بخير انت شو حالك اخوي ؟؟؟؟



عبدالله : والله الحمدالله بخير موزان ....... طلبتج ما ترديني؟؟؟



موزة: ما عاش الي يردك



عبدالله : تسلمين.... ممكن تشلين منى و طلعين انتي و سلامه؟؟



موزة: ان شاء الله بنطلع انا وسلامي بس ليش انشل منى و يانا؟؟؟



عبدالله: افاااا يا موزة ما حيدج تستهبلين



موزة تضحك: خلاص الحين طالعين بس مب جنك خسرت وااايد كل ساعه تتصل و تكلمها شووو تقولون؟؟؟؟



عبدالله: وانتي شعلج شلي بنتي و سلامي و طلعن



موزة: ان شاء الله يلا باي



عبدالله : سلمي على سلامي و قوليلها تحط بالها على بنتي زين



و طلعن سلامه و موزة و منى و راحن عند قوم ابو عبدالله



موزة: سلامي يسلم عليج عبدالله و يقولج ديري بالج على بنته



سلامه: الله يسلمج وياه من الشر و بنته الحلوه في عيوني



دخلن سلامه و موزة و منى عندهم .. السلام عليكم



الكل : و عليكم السلام



ابو عبدالله: جاهزات ؟؟؟



البنات :هيه



سلامه تكلم احمد و محمد: شو تلعبون؟؟؟؟



محمد: نلعب سلم افاعي تلعبين؟؟؟



سلامه: هيه



منى: انا العب



محمد: انتي ما تعرفين



منى شوي بتصيح: ليش ما اعرف اللعب انا اعرف انا كبيره مثل سلامي



سلامه: انزين تعالي انا وانتي بنلعب... انتي أي لون تريدين؟؟؟



منى: اصفر



احمد: انا الاصفر



سلامه: خلاص احمد منى اصفر



و يلسو يعلبون و احمد و محمد معصبين على منى لأنها وااايد تتاخر في اللعب



احمد: سلامه هذي مش حاله كل شوي صاحت و ما خلتنا نلعب ما نباج تلعبين انتي وياها تعالي مواز لعبي



موزة: يلا



سلامه: ماعليه يا احمد جيه تروغنا زعلنا خلاص



احمد: خليها تزعل هي البزيه اما انتي لا تزعلين



تمت منى تصيح و سلامه تسكتها



ابو عبدالله: انت ليش تنازعها خلها تلعب وياكم؟



محمد: يدي انت ما تشوف شقايل خلت اللعب بايخ



ابو عبدالله: شفتها ياولدي بس هاي صغيره



ام عبدالله : عااد هاي الحين ما بتسكت محد بيسكتها غير عمها سيري سلامي حبيبتي وديها عند خليفه عشان تسكت



سلامه و هي مرتبكه: ان شاء الله خالوه



سلامه اطالع موزة عشان تنقضها بس موزة ماكانت منتبه لانها مندمجه في العب



راحت سلامه وهي متردده هذا الي ناقص اوديها عنده عشان يسكتها وقفت سلامه جدام حجرت خليفه بس ما دقت الباب و منى تصيح اعلى صوتها



سلامه: منى حبيبي لا تصيحين خلاص اوووو احسن اوديها عند امها



بس قبل لا تروح فتح خليفه الباب و شاف سلامه شاله منى الي تصيح و من شافت عمها صاحت زياده.



خليفه: شوفيها ليش تصيح؟؟؟؟؟؟.



سلامه: احمد ومحمد ما خلوها تلعب وياهم.



خليفه و هو يشل منى عنها : وانتي ليش موقفتنها برع هذا فندق مش بيتكم صدعتوا الناس دخلي داخل.



سكتت منى شوي.



سلامه معصبه: اعرف انه فندق مش بيتنا بس خالتي قالتلي ايب منى عندك لان محد بيسكتها غيرك.



خليفه: انزين ليش معصبه و تنازعين دخلي داخل و نازعي.



سلامه: ماريد ادخل و ما ريد انازع انا بروح عندهم.



خليفه: انتي حد قالج اني من اكلين لحوم البشر و انا ما ادري.



سلامه بسخافه: لا محد قالي ليش انت تاكل لحوم البشر.



خليفه : هيه.



سلامه: عيل هاااات البنت لا تاكلها.



خليفه: سلامه عن الاستهبال بدخلين.



سلامه: لا.



خليفه: برايج والله... كان بيسكر الباااب ...سلامه.



سلامه: نعم.



خليفه: امي مسويه شاي.

سلامه : هيه مسويه جاهي حليب واحمر.

خليفه: انزبن ممكن تبيلي جاي حليب او خلي موزة والا احمد.

سلامه: لا عاادي انا بيبلك.
راحت سلامه عندهم.

ام عبدالله: سكتت؟؟؟؟؟؟؟؟.

سلامه: هيه سكتت ..... خالتي خليفه يريد جاي حليب.

ام عبدالله: ان شاء الله.....احمد قووم ود لجاي لخوك وهذا وده لحرمه اخوك يلا.

احمد: امايه انا اللعب خلي سلامي.

ابو عبدالله: انت ما تستحي تتامر على بنت خالتك.

سلامه: لا ما عليه عااادي..... خالتي انا بوصله لخليفه و اسما.

ام عبدالله: مشكوره يا بنتي.

سلامه: لا عادي خالوه.

راحت سلامه توصل جاي لخليفه و اسما سلامه ادق الباب و بطل خليفه