انتظر كلمة احبك,,,,15

سيف: صدقت.

أما قوم سلامة قامو لأن الحين وقت رحلتهم وركبو الطيارة و بيقعدون تسع ساعات فالطيارة و الساعة 2الظهر بتوقيت الإمارات بتطير الطيارة وبتوصل ماليزيا الساعة 11 فليل بتوقيت الإمارات أما فماليزيا بتكون الساعة 3 بتوقيتهم وهم سابقينا بأربع ساعات , فالطيارة قعدت سلامة عدال موزة وهن قاعدات صوب الدريشة وعدالهم اسما وعيالها وجدام اسما بوعبدالله وام عبدالله و أحمد أما خليفة فقاعد عدال اثنين أجانب ورا اسما وعيالها وهو يقدر يشوف سلامة وموزة , وموزة إللي قاعدة عدال الدريشة.

موزة:سمعي سلامي أنا وحدة تعبانة وأريد أرقد فأرجو عدم الإزعاج.

سلامة: وانا مع منو اتكلم.

موزة: مشكلتج أنا برقد.

سلامة: انزين رقدي برايج انتي تعرفيني ما اطلع بدون كتب أذكار و قصة.

موزة: حلفي إنج يايبه قصة وياج.

سلامة: والله يايبه ومش قصة وحده يايبه وياي قصص و أول هاي القصص رجل المستحيل.

موزة: مالت عليج انتي و أدهم صبري مالج و لا يكون يايبه وياج روايات الأحلام بعد.

سلامة: شي طبيعي.

موزة: انزين فكري فيني تعرفيني اكره هاي القصص ليش ما يبتي وياج أجاثا كريستي.

سلامة:ومنو قال إني مايبت.

موزة: انتي متأكدة إنج حاطة ثياب فشنطج.

سلامة تضحك: هييه متأكدة.

ورقدت موزة عن سلامة أما سلامة فقعدت تقرأ قصة وهي من النوع إللي يكره الطيارة ماتحب ترقد ولا تاكل فالطيارة وشكلها الحين بتكره القراية فالطيارة.

سلامة: اووووف مليت أول مرة فحياتي أحس إن القصة مملة.

أحمد: سلامي مليت.

سلامة: وليش ما ترقد.

أحمد: ماروم أرقد وأنا مافيني ارقاد.

سلامة: حتى انا مافيني ارقاد.

أحمد: لو خليتي موزة تيلس عدال قوم ابوي عشان ترقد و انا يلست وياج.

سلامة: صدق لو سوينا جيه.

وقام أحمد ووقف جدام سلامة فنص الدرب ويلسو يسولفون وخليفة يسمعهم لأن صوتهم وايد عالي على بالهم فالبيت قاعدين بس مانازعهم لأن هو بروحه ملان وسوالفهم اضحك عقب تمت المضيفة رايحه وياييه و تلعوزت مع أحمد إللي واقف فدربها.
خليفة: أحمد.

أحمد: نعم خليفة.

خليفة: ارجع مكانك ما تحس إنك لعوزتها وايد.

أحمد: انزين برجع بس انا ملان اريد اسولف مع سلامي.

خليفة: يعني شو اسويلك اصبر لين ما تقوم موزة بعدين تبادل وياها.

أحمد: انزين.

سلامة: أحمد.

أحمد:نعم.
سلامة: تبى تقرأ قصة.

أحمد: انا ما احب القراية بس أحسن من لا شي لكن لا تقوليلي هاي القصة إللي تقرينها تراني شفتها عند موزان ولا فهمت شي.

سلامة: لا مش أجاثا كريستي عندي روايات صرخة الرعب إذا تبى.

خليفة انصدم هاي شو تريده يقرأ تباه يتروع.

أحمد: هي من اسمها ما تبشر بخير تروع؟.

سلامة: لا ما تروع بس حلوه فيها مغامرات تناسب إللي فسنك.

أحمد: انزين عطيني.

وعطته وقعد يقرأ وشكله اندمج فالقصة أما خليفة خاطره يقولها عطيني قصة انا بعد بس تم ساكت, بعد خمس ساعات قامت موزة.

سلامة: صح النوم.

ضحكت موزة: شو سويتي.

سلامة: قريت قصة وخلصتها.

موزة: زيين الحين انا يوعانة.

سلامة: مشكلتج إذا تبين حلاوا عندي فالشنطة.

موزة: انتي ما تتحركين بدون حلاوا.

سلامة:شسوي ما قدر اقاوم نقطة ضعفي.

وتمن يسولفن لين ماوصلو ماليزيا بالسلامة وبعد ما طلعو من المطار وهم مبهورين فيه بروحه عالم وااااايد حلو وكبير ركبو الباص إللي بيوصلهم لين الفندق إللي حاجزين فيه وكان وياهم شوية عرب المهم وصلو الفندق بعد ما صدعهم المرشد السياحي إللي كان يحذرهم إن لازم يحتفظون بفلوسهم زين ولا يشلون فلوسهم كلهن فشناطهم عشان ما ينسرقن وإللي يسرقون مب ماليزيين سواح ويقول أحسن لو الحريم ما يشلن شنط على الجتف أحسن تكون الشنطة من الشنط إللي ينحطن على الخصر( يتفلسف) , اسم فندقهم{ شنقريلا هوتيل} Shangri-La hotel

و كانو سلامة و موزة فحجرة و الحجرة إللي عدالهم حجرت اسما وعيالها ومن بين الحجرتين باب مشترك يعني لو فتحوه بتكون حجرة وحده وجدامهم حجرة خليفة و أحمد وعدال حجرة خليفة حجرة بوعبدالله وأم عبدالله وإن شاء الله يوم بيي عبدالله بياخذله حجره بروحه ويمكن يحطون البنات فيها عشان يكون عبدالله و حرمته وعياله مع بعض, الساعة 7 بتوقيت ماليزيا نشت سلامة وهي تحس بتعب فظيع.

سلامة: موزان نشي.

موزة: صباح الخير كم الساعة.

سلامة: صباح النور, عندهم الساعة سبع.

موزة: خيبة وليش ناشه من الحين خلينا نرقد.

سلامة: انتي ما شبعتي ارقاد فالطيارة راقدة خمس ساعات و أمس رقدتي بدون أي نقاش وعلى ما اعتقد نحن مب يايين نرقد.

موزة: انزين خليني ارقد ربع ساعة بس.

سلامة:يعني شو بتسوي هاي الربع ساعة بس ماعليه انا بروح اتسبح واتلبس و بعدين بتقومين غصبا عنج.

موزة: انزين خلاص روحي اتسبحي فكيني.

سلامة: ليش افكج رابطنج أنا.

موزة: ياالله شو هاي السخافة ع الصبح.

راحت سلامة تتسبح وبعد ما طلعت لقت موزة واعيه و تترياها.

سلامة: ليش مارقدتي .

موزة: ماقدرت ارقد.

سلامة: أحسن.

راحت موزة تتسبح ويلست سلامة تمشط شعرها وتجحل عيونها ومن خلصت طلعتلها شيلة تناسب لبسها وبعد شوي رن تلفون الحجرة.

سلامة: ألوه.

أحمد: صباح الخير سلامي.

سلامة: صباح النور.

أحمد: هل استيقظتن؟.

سلامة وهي تضحك: نعم لقد استيقظنا ماذا تريد هاهاهاها.

أحمد:لا أريد شيئا أبي يقول لكن إذا كنتن تردنا ريوق تعالن إلى غرفته.

سلامة: ريوق ما يقولون ريوق يقولون فطور أو إفطار.

أحمد: شدراني انا يلا تعالن.

سلامة: الحين بنيي.

موزة تمشط شعرها: شو يبى أحمد.

سلامة: يسأل إذا نبى ريوق.

موزة: والله وين؟.

سلامة: فحجرة قوم خالتي.

خلصت موزة وراحن عدهم ولقوهم كلهم قاعدين أحمد يسولف مع أمه وأبوه وخليفة يبدل فالتلفزيون بملل.

سلامة+ موزة: السلام عليكم.

الكل: وعليكم السلام ورحمة الله وبركاته.

سلامة: شحالك خالي.

بوعبدالله: الحمدلله شحالج بنتي.

سلامة: بخير شحالك خليفة؟.

خليفة: الحمدلله تمام هااه مواز رقدتي زين أمس.

موزة: والله ولا حسيت بشي زين بعد إني غيرت ثيابي أمس واليوم لو مب حشرة سلامة ما كنت بنش.

ام عبدالله: حشى جيه انتي ما تشبعين؟.

موزة: لا ما اشبع حد يشبع من الرقاد؟.

بوعبدالله: سلامة بنتي ليش ما تتريقين لا يكون مستحية.

سلامة: لا خالي مب مستحية لا تخاف أنا عند الأكل ما استحي بس ما احب أكل أول ما انش.

ام عبدالله: ما يصير ما تاكلين شي.

موزة: أمي خليها ع راحتها هي بعد شوي بتاكل.

بوعبدالله: متى يعني نحن بنطلع.

موزة: ما عليك ابويه هي مأمنة نفسها؟.

خليفة: كيف يعني.

موزة: سلامي مستحيل تطلع مكان وما تكون شنطتها متروسة حلاوا.

ام عبدالله: وهذا تسمينه أكل.

سلامة تغير الموضوع: عيل اسما وين؟.

ام عبدالله: انتن ما طالعتنها؟.

موزة: لا الحين بتصلبها.

اسما: الوه.

موزة: صباح الخير اسامي.

اسما: صباح النور انتن وين كل هذا ارقاد أنا من الصبح اتصلبكن ادق عليكن حشى ما تسمعن.

موزة: نحن فحجرة قوم ابوي.

اسما: والله شو تسوون ؟.

موزة: نتريق تعالي إذا تبين.

اسما: الحين بيي هذيلا حشروني ناشين من الصبح أوين يوعانين.

أبو عبد الله: خليها تتجهز مره من يخلصون ريوق بنطلع.

موزة: و يقولج أبوي تجهزي أنتي و عيالج لأن من تخلصون ريوق بنطلع.

أسما: إن شاء الله... نحن جاهزين.

يت أسما مع عيالها.

أسما: السلام عليكم.

الكل: و عليكم السلام.

أسما: شحالك عمي شالج عمتي؟؟؟؟

أبوعبدالله و ام عبدالله: الحمد الله بخير.

أسما: شحالك خليفة؟؟؟

خليفة: بخير من شفت بنتج القمر تعالي حبيبتي.

ربعت منى عند عمها و هي تموت عليه .

خليفة: فديت أنا هالويه محلاه.

أسما: شحالكن بنات؟؟؟

سلامة و موزة: الحمد الله.

أبوعبدالله: ترى سمعوا الباص بيي الساعة 3,30 أما الحين شو رايكم نطلع بنتمشى شوي و بنستكشف المكان؟؟!!

الكل وافق على هاي الفكرة و يوم كانو بيركبون اللفت.
سلامة: لحظة نسيت.

موزة: شو نسيتي؟؟؟

سلامة: الشنطة.

موزة: محد قالج تنسين يلا نروح ما تشوفين خليفة كيف يطالعنا؟؟

سلامة: ما يهمني أنا برجع أييب شنطتي لا تروحين.

خليفة: وين راحت هاي ؟؟؟

موزة: راحت تييب شنطتها أنا ما قتلكم ما تقدر تروح مكان بلا حلاوا.

أبو عبدالله: انزين ما عليه بنترياها.

خليفة: لا أبويه نزلو انتو وأنا بتريها.

أبو عبدالله: يلا عيل ركبو.

موزة ترددت تروح و إلا لا.

خليفة: يلا مويز ركبي وياهم أنا بترياها ما بكلها.

نزلت موزة مع أهلها و خليفة تم يتريا سلامة.......... أما سلامة فكانت ترتب شنطتها بسرعة: والله بيهزبوني.... و طلعت من الحجرة بسرعة و يوم و صلت عند اللفت وقفت مبهته وقالت بصوت عالي: روحوا عني.

خليفة من ورا سلامة: لا ما رحنا عنج.

لفت سلامة بسرعة و هي متروعة.

خليفة: شفيج؟؟؟

سلامة:روعتني وين كنت منخش؟؟؟

خليفة: ما كنت منخش إنتي كنتي تربعين ولا تشوفين حد.

سلاة: انزين وين مويز؟؟؟

خليفة: كلهم تحت يتريونا.

و ركب خليفة اللفت و سلامة تمت واقفة...... خليفة يطالعها وهو مستغرب: ليش ما ادخلين؟؟؟؟؟

دخلت سلامة وهي مرتبكة و تدعي على موزة ليش ما تريتها