الجزء الأول

===========
|||جنون المراهقة, |||
===========
(1)
ســارعي للمجد والعليـاء
مجددي لخالق السماء
وارفع الخفاف الأخضـر
يحمل النور المسطر
رددي الله اكبر ياموطني
موطني قد عشت فخر المسلمي
عــاش الملك
للعلــم والوطـــن

تعالت الأصـوات الجهورية بنبـره ترغمـك على السمـو والتحليـق في معانـي انشودة هذه الأرض الطاهره,,ورفعـت سمعـا وطاعه واجلال لهذا الوطن المعطـاء واستمر التصفيق الحار في ساحة المدرسه الحادي عشر الثانويه للبنات,,
البعـض كان يعلوه الحمـاس لاول أيـام الأسبـوع لبداية الفصل الثاني,, والبعض كانت ملامحهم تعبرّ عن مدى المللّ من الروتين الصباحي المتعب..
أما الأغلبية متفائليـن لهذا اليوم المشـرق,,ولازالت السلامـات متواصلة عند الطالبات بعد ألأجازه التي فصلت بين الفصلين..
وهنـاك.. بعيدا عن أعين الجميع مجموعـه دائما وابدا مكانها في آخر الصفـوف
مجموعه كان لها الأثـر الكبيـر بهالمدرسـه طالبات كانوا ام معلمات..
مجموعـه لها رهبـه وتميـز وجذابيه في حضورها
مجموعـه قضـت اجمـل ايامها بجدران هذه المدرسـه..اجتمعت هنا وتسامرت هناك وبكت وشكـت من جورّ الأزمان فقط على هذه الجدران..
مجموعـه تسمى بـ B <<اختصار لكلمة (birds)
نسـاء صغيـرات..جمعتهـم رابط الصداقه والأخوه..وطمـوح قريـب من الأفق..وياصعوبة منال هذا الأفق البعيــد..!؟؟؟
لا يراه ولايستشعره الا هم..له ولأجله..سيعيشون .
مهما فرقتهم الأقـدار..وتخبطت بهم الأزمان..وتعثرت الدروب
سيعيشــون طيـور
*
"
*
"
*
"
\وبعديـن..هي..هي فضحتونـا ,,خربتوا كشتي
\يليأ لك اصلا انك واحشتنا..!
\تركيهـا بس..لاتعبين احبالك الصوتيــه..مو وجه صداقه ووحشه..
\يووووه وشفيكم على بنت خالتي ماتقصـد.
ماتشوفين المعجبات طايحيــن غزّ وابتسـامات سخيفـه..
\نيالك ياستــي..
فريده\كلوا عســل زيـــن!؟؟؟؟؟
ضبطت نظارتي البيضاء والسميكة العدسات واعتفست ملامحي لمن شفت فاطمه تعطيني بوسه على هالهـواء..
وطبعا هالحركـه ماغابات عن صحباتي اللي محاوطيني
ضحكوا ببلاهه بسبب هالمـوقف الغبي..
ثارت اعصابـي اكثـر.. وحمر وجهي الأسمر اللون ونويـت نيـه اني اوري فطيم النجوم بعز النهـار اذا طلعنا فسحـه,,
وعلى طاري الفسحـه..الطابور مشـى..وانا خبـر خيــرّ
وكالعاده الأنسه لولو تتمخطر معنا بالطابور وهي ثالث ادبي,,مدري متى بتعقل هالبنت!؟
فريد..اووه قصدي اسمي فريده..ويدلعوني فريد..لاتظحكون كثيـر لأني اشوف الأبتسامه بدت تعلي وجهكم بس مع الأيام بتعرفون ليش هألأسم اصبح متداول عند الناس!
ثالث ثانوي علمي,,ودافوره مره..وحلمــي عظيــم ومع توالي الأيام ممكن افصح عنه.
انا رئيسة الـ B
عصبيـه موووووت..واحب الضرابه..ولهجتي لهجة اولاد..والمصيبه اني متربيه بوسط خمس بنات..قولوا ماشاء الله,,ويمكن لأنه نفتقر بالعاليه الأولاد فحبيت امثل الدور هذا..!..والصراحه مو عارفه ليش صوتي خشـن وفيه بحـه تعجب الكـل..!؟؟
والكارثه انه هيئتي تدل على هالشي مثلا شعـري بوي ودوم كيرلي واجعده بالجلّ ونظـري ضعيـف جدا جـدا ومااشوف ابدا بالشمـس وعشان كذا نظارتي البيضاء سميكـه وحطوا عليها ثلاث خطوط ومربعـه العدسات..وعلى قولة الأغلبيه مطلعتنـي يااااي
وحواجبـي كثيفـه ودوم اعاني منها لكن اللي مهون علي انها مرسومـه الحمدلله..
كل شـي فيني اكرهه ودوم اذا طالعت شكلي بالمرايه اتحسـر على نفسـي..لكن الشي الوحيد الجذاب فيني عيوني الواسعه المكحلـه..عيوني على قولـة لولو بحـر والمحظوظ اللي بيمتلكهـا.. الكل يفتكرّ اني اكحـلها هههه اذا لبست عدساتي الطبيه وكلّ مره لازم اوقف بالطابورّ ويعطونـي تهزيئه محترمـه لكنهم خلاص عرفوا انها خلقت ربـي,,
أعيش يومـي بكل دقايقـه وثوانيه على خيال ابو شامـه سوداء,,آآه فديـت ابو شامه!!
منوا ابو شامه!؟؟؟
بتعرفونه مع ألأيام وبلا لقافـه..
اتفقنــا..^_^
اشـرت لـ لولو وتفـرقنـا هي راحت قسمهـا..واحنا رحنـا قسمنـا..
دخلنا الكلاس..ورجعـت ورى مع البنات وحطيـت شنطتـي اللي مليانـه ميداليات من جميع ألاشكال والألوان على الكرسـي بقـوه..واحدثت صوت اشمئز الكل..لكن كيفهــم..هذه عادتي ومستحيل اغيـرهــا..
فريدة\امشوا ناخذ لنا لفـه قبل ماتجـي الشينـه!؟
ضحكت حنوّ على كلمـتي ونبرة صوتي وايدتني\يالله امشوا جري..بس البي حاس انها جايه
بعصبيه معتاده كملت وانا اذد على كلامي\ تاكل عسـل..اصلا تحمد ربها انه حنا بنستحملها حصتين..اوووف والله قهـر نصبح على وجهها..قرق..قرررف..
اومأت حنوّ براسها مثل الهنديه وتوجهنا للباب ثلاثتنا قبل ماتجي وتحبسنــا..
ويافرحـه ماتمـت..
الأعصـار على قولة حنوّ جـاء
==========
انا مو ائلت الكم انها جايــه..والله البي حاس ..بس محد مصدئني..
رجعنــا ورى زي الهبلات واحنا نبتسم بوجهها ونضحك عشان نئهرها
والتفت على عواشـي وشفتها منزله عيونها عالأرض وۥترجـفّ,,
التفت على ألأعصار ومثل ماتوئعت حاطه عينها بعين عواشي..
اوكـي افرجيك يااعصار لكن مو هلأّ..
طيب اكيـد بدكم تعرفـون مين حنو!
حنـان ويدلعوني حنوا...فلسطينية ألأصـل وبكـل فخـرّ,,وحلمـي الوحيد اشوف بـلادي اللي انحرمت منهـا بسبب الصهاينه الزنادقه اليهـودّ ,,همّ اعدائـي واكرهم اكرهــهم لحد المـوت..لكني عارفه انه يومهـم قربّ كتيـر ومصيـرنـا راجعيـن يافلسطيـن..مصيـرنا راجعيـن ياوطنـي الحبيب والغالي..
طبعا اللحين انا دمعاتـي هلتّ بسبب الألم اللي بقلب كل فلسطيني نفسوا يقرّ عيني ببلاده..ولحكايتـي تكملـه لكن المهـم بالموضوع انه اهلـي انقسموا نصفيـن بلبنان وألأردن..واحنا ظلينا فتـره بلبنـان لمن نزلّ جدي على السعوديـه وبابا مع عمـتي ناهد الكبيـره اللي تزوجت سعودي نزلوا معه ومابقـى غير عمـي الصغـير اللي استقـرت اموره بالأردن واشتغـل فيها وكون حياته هناك,,
والسبب في هالشتات كلـه هـمّ حسبنا الله ونعمّ الوكيـلّ,,
مسحـت دموعـي بمنديـل اخذته من جيبي الوحيد اللي بطـرف مريولـي بدون محد يحـسّ فيني..وكتمت آهاتـي المقهوره..
المهـم خلونـا من مأساتي هلاّ...زي ماانتوا شايفني لهجتـي ماتغيرت بعكـس اخواني الصغار اللي اخدوا اللهجه السعوديه بسـرعه لكنـي في بعض الأحيان اتكلـم سعودي بدون شعـور يمكن لأني ولدت هون وتربيـت وحظنتي ارض الخيـر بس والله بضحـك على حالي..مره سعودي ومره فلسطيني..
اكثـر حاجـه تميزني هي طـولي الغريـب اللي لابئ على جسمـي اللي بيشبه عارضات ألأزياء ودوم بنات عمي ينقهروا مني لأني انا الأجمل بالعايله
عنـدي طمـوح كبيـر لكني مو عارفه هلّ بئدرّ احققه او لا!؟
نفسـي ادرس هندسه معماريـه واكون مصممه ازياء
ويكـون عندي مشغـل باسمي أنا بس يابعدّ هالطمـوح التاني..!
ياهوووووا وين رحتـــي!؟؟؟
جفلـت من فريـد والتفت لها وانا مقهـوره من دفاشتهـا..
حنوا\وعمى ان شا ء الله!؟ماتشوفيني سرحانه..ئطعتي افكـاري!؟
همسـت بصوت بصعوبه فهمته\الله وألأفكــار...وبتريقه كملت,,,اقولك الأعصــار ينـاظر فيك..اوووف قصدي ابله سعاد شكلها بتوقفـك وبتسئلك اللحين..!
ارتبكت وقلت\ليش ليكـون بتشرح لنا اليوم!!!؟؟
ضحكت بصـوت مسموع وهي حاطه ايدها على فمها الصغير\صبــاح الخيــر ياعسل..
ناظرت الأعصـار وحسيتها تجاهلتنا لأنه اول يـوم وهي شكلها مالها خلئ تهزيء
يوووه معقعوله ماانتبهت لشرحها ولا حسيت بالسابوره اللي امتلت معادلات حسابيه..!
احد يشرح اول يـوم!؟؟؟
ورياضيات كمان!؟؟؟
"حنان..وريني طولك وحلي هالمعادله بســرعه"
شكلي حسدت نفســي..اوووف..عضيت على شفايفي وهالحركه انا دوم اسويها اذا تمللت..وعرضت لها طـولي مثل مائالت لي ولميت شعـري كله بجهه اليمنى بدلع..شفت البنات يضحكوا على حركأتي البطيئه وانا امشي عشان احرئ اعصابها..
وعشــان اولعها اكتـر..اخذت القلم وصرت اكتب بداية المعادله واطيح القلم وسويت هالحركه اكتر من مـره وانا على نفس السطر واغمـز للبنـات واشجعهم انهم يضحكو اكتر..ولمن حسيتها بتموتني هاللحظه كملت المعادله وحطيت القلم على الصبوره بهدوء ولا كأني سويت حاجـه..ورجعـت لمقعدي مثل الطفلة الوديعة..وبوجهي ابتســامه خبيثه تعلمتها من فريد اللي جالس جنبي,,
==========
قولي ياخلي مين اللي !ياخذك مني وانا اللي
توقف ايامي في بابك في غيابك ياحبيب روحي
ظليـت اتمخطـر بمشيتـي وارقـص واهز خصري على اغنية الشوق جابك اللي بصوت البنــات الجهوري ,,والضحـك والتصفيق مالي ارجاء الساحه الخلفيه من المدرســه..
طبعـا بتقولون وين الأداره عنكـم..وانا بقول لكم المدرسه مجمع كبيــر ولو نرقص الى الليل محد داري عناّ!
انا لــولــو ثالث شلة الـ B
والوحيده منهم اللي داخله قسم ادبـي...تعرفون ليش!لأني اكره شي اسمه رياضيات وفيزياء..والصراحـه يعني..انا وحده كسولــه..وماافهم بالدراسه..ولو علي كان جلست بالبيت من زمان..لكن امـي هي اللي غاصبتني على الدراسـه ,,وشوفتي لصديقاتي هي اللي مصبرتنـي..لأني بدونهم انا ولاشــي..
وفريد تصير بنت خالتي وصديقة عمرّ اللي اقرب لي من امـي
احب ألأغاني بشكـل مجنون..ويمكـن سبب هوسي اخوي اللي صوته يرغمـك انك تسمعه للصبـح..
كل حاجه فيني جميــله..ملامحـي تبهرّ الكلّ,,عيوني بنيه وشعري بني
والعيب الوحيد اللي فيني وذابحنـي..اني جدا قصيره..وهالموضوع ارغمني اني اتعقد من وزنـي اللي بسرعه يزيد ..يعني بنظـر الكل انا مليانه..واميل للتخمه..
واتقرف بسرعـه من أي حاجـه..يعني ألأكل اللي يدخل بفمي نظيف..وحتى الشوك والملاعق والصحون اللي بالمطعم انظفها بالمنديل قبل مااستعملها..وحتى ملابسي اعزلها عن ملابس اهلي
بتعرفون حاجات كثيره عني تشيب الرأس واهمها نفسي المغروروه والطماعـه..لكن خلوهــا مع الأيــام..وخلوني اكمـل رقصــي اللي قطعتوه قبل مايدق جرس الفسحه ويكون التجمع اكبـرّ
==========
..ارواح تلاقت بعد اعوم,,وطيور لاتتمنى غير التحليق
وبين تلك وتلك..هل يوجـد طمـوح! ام انه سيقتـل بيوم من ألأيــام!
كـ \عايشـه جهاد
كنت اتبع اوراق الشجره اللي تتساقط مع حركات الهواء الحار لمن امتلت الأرض باوراقها بشكل ملفت ومثيـر.. رجعـت اناظر الشجره اللي لازالت شامخه بجذعها واغصانها واوراقها اللي مااكترثت بكمية ألأوراق العديده اللي تساقطـت..
وبتلقائيه نطقت..سبحان الله وانا مبهوره ومشدوده باللي اشوفه
ابتسمت بزهـو وسكـرت مذكرتـي الذهبيه بعد ما القيت اخر نظـره على الأهـداء اللي قررت انه يكـون بداية كتابـي اللي بينشر باذن الله
عايشه آخر شلة الـ B .. سعوديه لكن لنا جذور تركيـه..وبياضي الغريب اللي اكتسبته من أمي يؤكـد هالشـي..
يسموني عواشي الخجولــه,,يمكن لأني اميل للهدوء والسكينه وماتروق لي ابدا حركاتهـم المجنونه..وبنفـس الوقت مااتخيل اني بيوم افارقهـم..
علموني شلون الضحكه ترسم على الفم..!وفهموني انه الدنيا حلوه اذا انتي قلتي انها حلوه رغم الصعـاب,,بجمعتهم ينسوني حياتي واحزاني ويمكن حتى القلم اللي دوم يلازمنـي ماقدر بيـوم ينسيني آلامي الا فـتره بسيطـه ومحدوده..
أحب صديقاتي وتمنيت انهم فعلا خواتي اللي بيعوضوني
جو ألأسره اللي محرومة منها.. وعن الحنان اللي فقدته من امـي
آآه ماأصعـب هالكلمه على نفسي!
ام!
صدقـوني ماعمـري استشعرت هالكلمه ,,لاتقولون اني مااحس..لاتلوميني يابشـر..اللي عاش قصتـي هو اللي بيفهـم سبب معاناتي!
امنياتـي كثيـره وطموحاتي اكبـرّ.وبقلمي راح احقق اللي ابتغيـه واسهـر عليـه..
لكنـي محتـاجه لحظـة امـان..اطمئنان صافيـه وحانيه لأجل اكمـل مشواري اللي عيا يصفا لي.. وكل هذا بسبب الكـابوس اللي من الصغر وهو يلاحقنـي وكأنه جاثوم بكـل ليله وحيده ومخيفه يخنقنـي,,ويتلذذ بتعذيبـي..
كأنه شيطـان بهيئة انسـان عايش لأجل يهيني ويذكـرني بماضـي وحاضـر,, وللأسف مستقـبل
بيظل وبيظل هاجـسي للأبــد..

انتبهت على فريد وهي تعطيني عصير تفاح وجالكسي ..وبحركه سريعه اخذت مني مذكرتي وحطته بحضنها..
فريد\ارحميها لو مره وحـده بحياتـك..
حمـر وجهي وفتحت العصيـر على صوت حنو اللي جلست جنبي وتسندت على الجدار..
حنو\كلتوا عني يالدبب!
طلعت صرخه مايعه من لولو ارعبتنا\يييه حنو نظفي الأرض قبل ماتجلسين..!
حنو رفعت حواجبها وطنشتها..ولولو مااستنكرت ابدا هالحركه..لأنه دوم احنا متسندين على الجدار ولولو جالسه على الكـرسي بكل اناقه..
لولو\..فريد ليش ماجبتي لي سندويشتين!؟
كشرت فريد وخبطتها على راسها\كولي عسل..ماتشوفين جسمك اللي كل ماله ويصير برميــل..وبعدين وين الدايت اللي قلتي بتعملينه!؟؟
بدون شعـور ضحكت ومشكلتي اذا ضحكت مااعرف اسكـت..وبسبب ضحكتي عصبت لولو..اما فريد ابتسمت وياحلو ابتسامتها المميزه..غصب عنك ترتاحين اذا شفتيها..
فريد\والله من زمان ماسمعنا هالضحكه..تكفين لولو كل يوم سأليني هالسؤال!؟
وكلام فريد خلى لولو تغلي اكثر وحتى اكلهـا حطته جنبها وكتفت ايدينها بغيض
والصراحه مالها داعي لولو تزعـل..
وماقدرنا ناكل لأنها ماتاكل..وعشان كذارفعت فريد اصبعها السبابه وقالت
فريد\بلا 1 (بتسكين الباب وشدّ الـ لام)
حنو وهي تاكل وترفع اصبعها\بلا2
ضحكت وكملت معهم وانا ارفع اصبعي واقول بهمس خفيف\بلا3
وطبعا مستحيــل لولو ماترضى بعد كلمتنا المعتاده استسلمت وقالت وهي ترفع السندويش وتاكل قطعه صغيره منها \بلا4..وخبطت على رأسها لأنها نست ترفع اصبعـها..ورجعت ترفعه وتقول بلا4 وصـرخت صرخـه دوت المكــان...فكوووونا ابي اكل
ضحكنـا بصـوت واحـد مثل كـل مره..وبسهـوله وبدون شعـور نسينا الزعـل وكملنا سوالفنا وضراباتنا اللي ماتنهي..
وبهالحركـه البسطيه وبكلمة (بلاّ) قدرنـا نتحكم بغضبنا وترسم اللأبتسامه بشفاتنا
ومقدر أقول غير,
عسى الله دوم يجمعنا و لايفرقنـا..
(2)


اخذ العـود المنقـوش بااسمـه بخط الرقعـه المميز
وارخـى ظهره على كرسي مكتبه الجلدي وبـدأ يعزف بااصابعه الماهره والمتقنه على اغنيته المفضـله اوعدك للمبدع عبادي الجوهر
وكعـادته الغريبه اطربها بـ لحن ثاني ومميز من صوته الشبيه بعذوبته كسيـل جارف على قعـر وادي جاف,, طربت نفسه فتـره طويـله وهو سارح بخيـاله وكلمـاته اللي اسكنت الحميمه بنفسـه الهاويـه,,ظـل يدق ويـدق وكأنه الكـون باأجمعه سكـن وتوقف لمن حـس انه ثمـلّ واكتفـى!
وبعد برهــه,, وبعد انتهاء الكلمات وتوقف النغمــات رجـع يفكر بقراره اللي اتخذه بجديـه بانت بملامحـه الجامده..!هل بيصيبه الندم ام لا!؟؟
لكن ليه ينـدم وهو عـارف ومتيقـن انه هو مو أهلّ للدراسـه ونظـام الجامعـه..
وهذه مو اول جامعـه يداخلها!للأسف هذا الثالثه وياخوفي تكـون نهايتها مثل الأولى والثانيه!
واذا اجـلّ دراستـه سميستر واحد ماهي نهاية العالـم ولا راح يدني موتـه!
والحـق يقـال..ماله نفس ابدا يواظب ويصحى كل صبـح عشان شويـة محاضرات سخيفه وممله بنظـره..
قـام من كرسيـه وفكرة السفـر بدت تحلى في باله اكثر واكثـر..
واخذ الشنطه اللي تحت سريره وبدأ يفـرز ملابسـه واغـراضه الشخصيـه وهو معـزم على السفـر..ولمن انتهـى و وضب اغراضه اخذ مفتاحـه وتلفونه وطلع يحجز تـذكرته للسعوديه..وقلبـه طايـر قبلـه.
ماافتكـر بمستقبـله الضايـع والفاني بين هالسنين اللي تمـر بسرعة البرق ولا باأمـه اللي امنيتهـا تشوف ولدها بأاعلى المراتــب,,
مصعب اخو لولو الأكبـر طالب بالجامعه ألأمريكيه بالشارقـه
هاوي الغناء,, متمرد ذو شخصيه متكبره وصعب المعشـر لكنه هـش داخليـا متقلب الشخصيه ورقيق لحد الأنكسـار مجنون ألأفكــار عاشــق لكل غريب وفريد,,
=======
بـداخـل بيت شعبـي مائل للبني الباهت واخضر الأطار ومتـواضع جارّت عليه الأيام وصدأ ابوابه وجدرانـه وعـرقل مداخله الخشبيه..
تسكـن عايله صغيـره جمعتهم المحبـه والترابط الأسري القوي.
عايله يضرب فيها المثـل بالكرم والخلـق الحسن والطيبه والتواضـع اللي اصبح نادر الا من رحم ربي..
تطعمت الأرز للمره الأخيـره ولمن حسـت انه مو ناقصه ملح أغلقت الغطـاء بااحكام وبـدت تبهـر الدجـاج بحركـات ماهـره وسريـعه ووضعته بالفـرن على دخـلـة نظر عينها فريده وابتسـامة مشـرقه تعلي وجهها الصبوحي
فريده\شميت الريحـه على بعـد متريــن..فديت الطبخ واللي قاعد يطبخ
بادلتها هيا الأبتسامـه وأردفت بحنيه وهي تعدلّ من غطاء رأسها وتحجبّ خصلات شعرها المصبوغه بالحناء ألاحمر \وابوك وينه!؟
اخذت فريده جزره كانت مصفوفه بسلة الخضروات وجلست على الكرسي\راح يوصل باقي بنات الباص ..بقى بنتين بس ويجي..يمـه بطني يوص وص,,
هيا\خليه يوص وص لحد بكـره هالأكـل اللي اطبخـه مو لك..طلبيه للجيـران..
عقدت فريده حواجبها الكثيفـه وقامت من الكرسي بغصب\يمه شنوا..منوا اولى!احنا والا الجيـران!؟
هيا تحاول تكتم ظحكتها وتظهر العكس\لاتشغليني فريد..روحي بدلي وصلي بدال وقفتك ذي!؟
طلعـت بـروح هايجـه وامها تضحك على عقل بنتها الصغيـر واي حاجه بوجهها رمتها من العصبيه طاحت عينها على مزهريه عريضه ومصنوعـه من الفخـار بزاويه الصاله وبداخلها قـش للزينــه.جمعته كله باايدها النحيله ورمتـه من القهـر والعصبيه ..ومن سوء حظ بدور انها كانت قبالها ولامتها على تصرفها الطفولي وردة فعل فريد انها مشعت ..
شعرّ اختها الطويل اللي دوم تغتاظ منه ودخلت غرفتها على صرخات بدور الرقيقه..
بدور وهي تمسك جديلتها بالم\يالدوبــه..اوريــك!
طلعت فريدة من غرفتها\كولي عســل..وسكـرت الباب بوجهها قبل ماتنطق بأي كلمــه..
دخلت بدور المطبخ وهي متنرفزه وجلست على الكرسي الخسبي بقوه
بدور\يمه شوفي فريد..!
هيا\وش فيها!
بدور بقهر ناعم وهي تـرص على اسنانها\دفشــه..اقول يمه جهز الأكل!
هيا\ايه حبيبتي..روحي فرشي السفره..ونادي خواتك..الا فريد لاتناديها..
بدور\غريبة!؟
هيا\لأني قلت لها الأكل هذا للجيران..
بدور\ليش انتي ماخلصتي الطلبيــات!
هيا بتعب جسدي أردفت\من الصبح وانا اطبخ وخلصتهم يابنتي..وهالغداء هذا لكـم..
رقت ملامح بدور وحنت لأمها اللي تتعـب طول اليوم عشان تساعد أبوها في دخلـه الضعيف \ياحبيبتي يايمــه..الله يعطيك الصحه والعافيه..
هيا\ولاتنسين دقي على مرت ابوك ساره خليها تتغداء..
بدور تذكرت ساره اللي تزوجها ابوها عشان تجيب الولد اللي ماجاء من 22 سنه وخناقتها المتواصله مع اختها اللي مو متقبله وجودها بينهم\اجل اليوم الحرب العالميه مع فريد..
طلعت بدور من المطبخ على عجله تنادي خواتها وتدق على ساره..
==========
قفلت المنبـه اللي ازعجنـي وانا ضايقه من نفسـي..وودي انام اكثـر..
غيلوله ساعة وحده ماكفتنـي بس صلاة العصر...لازم اصليها قبل مايطلع الوقت..
توضيت على عجـلّ وقضيت فرضـي وانا ادعي ربي مثل كل مره انه يصبرني ويعيني,,طويت سجادتي وحطيتها على سريري واخذت كلبس ورفعت شعري ونزلت لتحت وانا اتمنـى اني مااشوفه عشان يمرّ يومي براحـه..
طمأنينة عجيبه سكنتني لمن لقيت الصاله فاضيـه,,
جلست على الكنبـه ودقيت على المطبخ عشان يحضرون أكلي,,
وكلهـا دقايـق وخاله حليمة ترتب الصحون على الطاولة..
خاله حليمه\عواشي تعالي كولي
وقفت على طولي وانا اشم ريحـة شوربتي المفضله
انتقلت عيني على ألأطباق بشهيه شوربة الفطر.. فتشينوا بالدجاج..ورز بالخضروات
يميييييي
اخذت الشوكه واخذت باستا من الفتشينوا واكلتها\تسلم ايدك ياخاله..انا جوعانه مره..وجلست على الكرسـي
خاله حليمه\حبيبتي قولي بسم الله قبلّ,,
نزلت الشوكه وابتسمت بخجل وانا منزله عيوني\بسم الله اوله وآخره..نسيت هههههه ورجعت أكل بهدوء على وقع صوت اقدام شعرت فيها خلفي
ناظرت الساعه اللي امامي وعرفتها..اكيد ساره جت من دوامها..
عواشي\تعالي قبل مايبرد ألأكل..
شعرت بأأحد يلمس كتفي وعلى طـول عرفتـه من مسكته القويه
اقشعـر جسمـي وبلعت ألأكل الي بفمـي بصعوبـه وحاولت احرك كتفي وابتعد عن قبضته اللي تكرهني بنفسـي وترجع الماضي اللي احاول دوم انساه..لكن عبث كل مقاومتي راحت عبث..ترجيتـه بعيوني المتوسلـه..واخيرا حس فيني وابعد ايده وجلس قبالي على الكرسي
"انا حمد..مو ساره..حبيت ياحلوه أعلمك بس"
قال كلمتـه وبدأ ياكل من اكلـي بكـل شراهه ..اما انا..انا وش حالي انا..!ظليت اتـامله بنظرات حارقـه ..ابي اتحرك..اقوم من مكاني..لكن ليه احس ان رجلي تجمدت وجسمي كله يرتجـف ومو قادر يصدر اي حركـه..ليه دوم تخونتي شجاعتـي قبالة..ليه لساني ينخـرس وما يقوى على قـول هذا اللي ذبحنـي وقتلنـي..ليه ياربي انا ضعيفـه!
الى متـى بظـل ساكتـه عن حقـي اللي اغتصبـه بكل بشاعه منـي!
حمد\عايشه..شفيك!؟؟انا عمك..والا نسيتي!
حسيت ببروده بأطراق اصابعـي نزلت عيوني وشفته يحاول يلمس ايدي..
تكهربـت بسرعة وابعدت ايدي وضميتها لصدري وقمت من مكانـي وانا خايفـه منه ومن تلميحاته المستمرة والغير مباشـره..
==========
لازم اضعـف..لازم..لاااااااازم
نزلت من الميـزان وانا بموووت من القهـر..اسبوع كامل عايشته تهيأت ومانعه نفسي من اكلات كثيـره تستهويني..وبالأخيــر..نص كيلــوا..
نص كيلوا اللي خسرتــه..قرف..قـــرف,,اكيد الميـزان خربــان..اكيييد!
حاولت اتمالك اعصابـي..وحطيت حرتـي بااظـافري اللي محتاجه تبريـد..
بردّتهــا بحـركـه متقنـه وسريعـه وبكل خفـه ولمن حسيت انها اوكي وراقت لي,, ابتسمت ابتسامة رضـى ممزوجـه بضيقه خفيفه وحطيت المبـرد بعلبته الشفافه بعد مانظفته بمنديـل
غسـلت ايدي فتـره طويله بصابوني الخاص ولاحظت انه كرات اليليك اللي بوسط باب الحمام بتخـلص,, ييييه لازم ارجع لبودي شوب واقابل وجه هاللبناني عشان اشتريهـا,,
سمعـت صوت امـي تناديني شكلها رجعت من حفلة استقبـال ألأميـره العنود
نزلت تحت بخطـوات سريعة
وحصلت امـي جالسه على الكنـب وواضح انها مرهقـه من جسمهـا المتراخـي
جلست قبالها وقلت\ها..شلون الحفلـهّ؟
نطـقت امـي بصعـوبه وهي تاخذ نفس عميق\روعـــه..كامله من جميع النواحي..بس هدتّ حيلي الوقفـه..
اخذت الريمـوت اللي جنبي وبديت اغير القنوات\والأميره العنود..كيفها!
ارتخت ملامح امي\تهبــل..ماعمري شفت اميره بطيبتها والا بتواضعهــا..الصراحه توقعتها مغروره بعد رجعتها من لندن..لكنها طلعت غيـرّ..
لولو\هي وش تصير لأم عبدالله مرت الوزير..!
بدريه(ام مصعب)\اولا قولي العمه ام عبدالله لاتنسين انه جمايلهم علينا مالها حدود وحتى يوم ابوك توفى مانسونا...وبعدين الوزير سلمان بنته الكبيـره ماخذها اخو ألأميره العنود,,
لويت فمي وماعجبني الكلام..
بدريه\بس ياحظ اللي بيتزوج العنود!
لولو\اكيد مو هي اميره ..اكيد ياحظه!
هزت امي راسهـا وابتسمت على كلامي..وبعدها رمت علي كلمه كانت مثل الغـاز اللي تنتظر شعلـة نار وتشتعـل..
بدريه\صليتي!
تأففت ورديت على طول لأجل انهي النقاش\ايه..يمـه أيــه,, حسيت بوخـز بقلبي لأني اكـذب على نفسي الضايعـه,,
ظليـت فتره ساكنه وانا بصراع مؤلم مع نفسـي,,الى متى يالولو الى متى ,,!
لكن حبي للحياه ونفسي الغيوره تناست هالموضوع وقلت بغيره واضحه وانا اهز رجلي واغلي\حلوه!؟؟
ردت علي امي بسرعه\قمــر,,
مت من الغيـظ لأني وبكـل فخـر..ماأبي احـد يكون اجمـل مني..لكني عارفه انه في غيري الأجمـل اكيــد,,
لولو\تلقينها مسويه عملية تجميل باانفها والا شفايفها..يمه لاتغرك المظاهـر..!
بدريه\اي مظاهر وخرابيط البنت جمالها ربانــي!
زميت شفايفي بضيق\احلى مني!؟؟
بدري\تبين الصراحه!؟
بكـل رقـه قلت\ايه..
بدريه\انـتي احلى..بس ها..لاتغترين علينــا!؟
حسيــت بالأنتعاش فجأه..وكل الضيقه اللي فيني اختفت وابتسمت بكـل غنج ودلـع ورددت جملتي المعتاده\اكيد..انا لولو...لولو انا..!
ضحكت امي وقالت\على طاري الجمـال..تكفين يابنتــي...ام جمال دقيت علي امـس مرتين وو
ماخليت امي تكمل كلامها لأني قلت وبكل غرور\يمه بليييز..سكري الموضوع..جمال هذا لو آخر انسان بالدنيا مااراح اخذه..
بدريه\يابنتي ليش..شاب ملتزم من عايله معروفه وغير كذا دكتور..
صرخـت بملل\يمــه!!!
بدريه\طيب فهميني ..ليش!؟؟؟هذا مو اول واحد ترفضينــه..فيه غيره طوابير
لولو\اولا احسه رخمـه..بكل شي بيطاوع امه..وغير كذا مو حلو..وععع اسمـر..
بدريه\طيب سمعيني..ولد الجيران رائـد..رائد جميـــل ماشاء الله ويموت فيك!
قلت بدلع وانا احط رجل على رجل\والله هذا مش بطأل لكن مااراح يرضـي غروري!
بدريه\طيب سمعيني بكـره في ناس بيزورونا !
لولو\يعني!؟
بدريه\جايين يخطبـون..!
رفعت حاجبـي المحفوف بكل جراءه وسكت..
بدريه\خلينا شنوفهم ويصير خيـر..انا مستحيل ارغمك على شي ماتبينه,,
ماعلقـت
رميـت الريمـوت على الكنبه وطلعـت الحديقه اشـم هواء وانا اتمخطر بمشيتي وصوت كعبـي يـرن باأّذني..وانا ارفع من جسمـي بكل فخر وخيلاء..
محد بيجيب راسي غير اميـر او وزيــر ويليق بجمالي بعد!
رفعت رأسي للسمـاء بكل حالميه وثقـه
انا لولو..فهمت يارائد..فهمت ياجمال..!
لـولـو مو أي احـد..!!
==========
فريده وعائله متواضعـه تقـاوم للعيش بمجتـمع اقوى من ظروفهم!
حنان وغربـة وطـن ونداء فلسطين الحبيببه!
عائشه وماضـي مجهـول يجـول حولها!
ولولو وتغطـرس لانهايه له وامنيـــات بعيــده ليس لها حدود!
بيت شعبي
اشتياق للوطن
طبقه مخمليه
ماضــي مجهول
صداقه
طموحات
ومراهقه
واحلام
تابعونا ولاتملـوا فهنـاك العجب العجاب بـ "آحقا ستحلق الطيـور!"

أجمل الروايات ., أحقا, أحقا ستحلق الطيور ., الطيور, اجمد الروايات ., اروع الروايات ., افضل الروايات ., روايات ., روايات ممتعة ., روايات متنوعة ., روايات مختلفة ., روايات منوعة ., روايات حديثة ., روايات جديدة ., روايات رائعة ., ستحلق,

أحقا ستحلق الطيور أحقا ستحلق الطيور أحقا ستحلق الطيور أحقا ستحلق الطيور
Download UFX
المصدر: منتديات لحظة











رد مع اقتباس
#2
قديم 02-14-2010, 06:40 PM
ملكة الانمي ملكة الانمي غير متواجد حالياً

افتراضي
رد: أحقا ستحلق الطيور

السلام عليكم ورحمة الله وبركاته
رواية حلوة
شـكــ وبارك الله فيك ـــرا لك ... لك مني أجمل تحية .


أحقا ستحلق الطيور أحقا ستحلق الطيور أحقا ستحلق الطيور أحقا ستحلق الطيور
Download UFX
المصدر: منتديات لحظة